المشاركة الأصلية كتبت بواسطة عامر الحربي

ياغزالاٍ مرني والزين فيه شهوده = تحرج اللي للحقيه مايود يعدي
يخلف اللي مستقيم بزين ركزة عوده = والمجنن تستفيق من الجنان الجدي
كن نوراٍ حطه اللي زينه بخدوده = نور برقٍ يوم يبرق للعتيم يقدي
يوم يفقه عنه ليلٍ ينسدل من سوده = غير ذكر اللي تجلت قدرته مابدي
شبه وضحاً هي نقاوة نقوةً مفروده = راعي البل للمزاين غيرها ما يودي
كل ميزة زين في عنق المها موجوده = فوق علم الوصف زينه لو بغيت اعدي
كبتن الطياره اللي طولت مفقوده = يمكن انه لامح اللي يخلف المتقدي
الغزال اللي بقلبي مشعلٍ باروده = جادلن خلص على صبري وبيح سدي
ياوجودي ليت قلبي حاصلٍ مقصوده = في حدوداً ما تعدا للعوايد حدي
ياوجودي وجد من جوده نخا ماجوده = قدم وجيه الطيبين وحصله متردي
طيبهم سابق وجوه بساعةً مقروده = القسى يقول فيها لرخاء من قدي
والمصيبه كان راحوا ماقريب عوده = فرصةً تمر مره بالعمر وتعدي
ياوجودي وجد حاله لو تفك قيوده = مير محدٍ جت له الدنيا على ماودي
نقصها لاواجه الرجال يخلف زوده = ( وزودها خلا الضعيف لرجوم يعدي )