مرحبا في ملتقى الهيلا و لي حق الميانه= بالنيابة عن عتيبة مرحبا مليون مره
بارك الله في ملكنا بارك الله في خوانه= في ذراهم مانشدنا الدهر عن برده و حره

البقاء ياللي ترحب بي و انا عندي حصانه= و الزلامي كان ماضر العرب محد(ن) يضره
بارك في ملكنا بارك الله بالديانه= ديننا لله دره و الملك لله دره

ابعد المشوار و اترك كل شئ(ن) في مكانه= و اقطع الحبل الطويل اللي على دربك تجره
يشهدون الحاضرين و من معه ذمه و امانه= و الله اني ماتركتك يالسحيمي في مغره

مانسويها و لانسويها لعانه= الزلامي ليش رزه منحرق لاذقت حره
و الله ان الحر يمشي تحت ظل الخيزرانه= و انت لك جره و انا لي في سطح الارض جره

ياحسوفي يالبعير اللي قطع وقته بطانه= مابقي غير المجنن في شهار و في مسره
صاحبي شاعر و عاقل و الحلاوة في لسانه= مير انحره الخلا و اجوز من خيره و شره

ان بغيت شعيل عانه و ان بغيت اخوه عانه= انتبه لاعاد تجرح جرح ماتقدر تذره
ياخسارة شايب(ن) عقله رقص بـ آخر زمانه= هو مايتعب و خلق الله تزوره في مقره