المشاركة الأصلية كتبت بواسطة جوهر الحربي

حبي لك اكبر من الكلمة وتعبيري= ماتت حروفي وعجزت تلحق اوصافه
يامهجتي سامحيني عند تقصيري= وانتي بحطــال الـــغلا والشوق عرافه
هذا اعترافي كتبته في تقارير= شاعرك شعره غـدر بـه واحترق قافـــــه
وقتٍ مضى بالشعر ياكثر تبذيري= ايام ماكنت في عصر الشقاء التافــــه
اكتب لنفسي واسلي بالمثل غيري= وارسم خيالٍ بعيد ولا الحق اطرافــه
وطالت ورا ظلمة الدنيا مشاويري= على رجاء المبتغى والطرف ماشافه
لين ان ربي رحمني من تعازيري= واهدالي الجـتوهر المكنون بغلافـــــه
جتني بلهفة وقالت هاك من خيري= وعاد الشفاء للمريض وجابت اسعافه
قالت بحيل الله الخالق وتدبيري= انا القضــاء والرضـاء للحب وانصافــــه
واليوم من كل همٍ تم تحريري= بظـــلال دكـــتورةٍ للــــقلب كشـــافـــــــــــه
اعطيتها من صميم الذات تقديري= باشـــرافها والغــلا يستوجب اشرافـه
اقدارها جابها الله مع مقاديري= وعــم الربيع الضمير وزارنت اريافـــه