=

















=


بحر الهجيني

سلام و منك المعاني ذوق=نطرب لها فن يوم تـدور
و إنت مكانتك عندي فوق=طيِّب و فيك الوفا مخبور

لوقلت لك محتويني شوق=لاحلى لقا محتريه شهور
ترحيب واسمع نداء البوق=بافراحنا يخبر الجمهـور

بعد التحايـا معـاك آتـوق=أعطيك نبذه عن المصرور
و انت منصب على المنطوق=قاضي و في مرتبة دكتـور

لا جات شمس المثل فشروق=تكشف خفايا عن المستـور
أصدر حكم فالذي مسيـوق=من منطقه تسمعه مسـرور

قعدت أساعد أنا المسـروق=و كشفتله السارق المغـرور
لله ما هو طمـع لـبـروق=و اللي اتضحلي انا المضرور

مهما الحقيقة عليها شفوق=تظهر لو إنه خفاها دهور
وإن كان عندك دليل وثوق=لا بد مـا تظهـره للنّـور

بحر الهجيني

حفرت للي يحـب البـوق=فخه وهوا اعترف مجبـور
و المنسرق ما عطاني طوق=فيها أواجه ثمان بحـور

ما يجوز تبقى كذه ما يلوق=لا بد ما تناقش المذكـور
يمكن سببها خفايا طـروق=خلّتك في غبهـا مأسـور

قدمت له كل مـا هـو يفـوق=من وصف,,,في داخل المقرور
لاكن عزولـي معـاه سبـوق=ازريت,,,وانـت عليـا شـور

الديوان

لو كان وضعه معك مرمـوق=ماكان خصمك لقي له ثغـور
جانا مثل حامـل المشقـوق=يستاهل اللي عليـه يخـور
وعزولك اللي بهـا محقـوق=خلا طريقه معـك محظـور
خطط عليك الأسى مطبـوق=رماك فاللـي لهـم محفـور
خذها نصيحه معك برفـوق=لا تصير من ما جرى مكسور
دنيا وفيهـا نعيـش خفـوق=وبعده نعيش الهنا وسـرور