بسم الله الرحمن الرحيم
إلـى هنـا وقـف وقلـي وش الــي تـبـي = كل ادمي ٍ على ارض الله وفوقه سماه
لو حـددت بالمساحـه لـو ملكهـا صبـي = الي وطاء القاع بكره نفس قاعه وطاه
ترى الغباء ماهو بدايم اسلـوب الغبـي = كم من تغابا يعرف البير وايضا ً غطاه
اليـا حسبنـا احسـاب الجنـب والاجنبـي = نـقـدر نـقـول إن كــل ٍ مابحثـنـا خـفــاه
وإن كانها عودة عرش ٍ لراس الضبي = ماتنقش السن بعده مـن جمـاه إلجمـاه
مانتـه مكلـف بخلـق الله ولاانـتـه نـبـي = كل ٍ تـرى عـارف ٍ قـدره ولـه مستـواه
لايطول صوتك وفي ساع القبال تحبي = ويروغ قلبـك اليـا بانـت وجيـه الرمـاه
اقولـهـا وانـــت لامـنــي ولا صـاحـبـي = لاكن راع الخطاء ماحد ٍ براضي خطاه
منطـق لسانـك يحـدد وجهـة المذهـبـي = وكم واحد ٍ منطقه حطـه بوجـه الغـزاه
فايزموسى البشري