دورت حظي عجزت القاه = ونشدة فالدرب طرقيه
قالولي اليوم في حليـــاه=واحد تعدى بشرقيــــه
حثيت مشي وراه ابغـــاه= قابلت بشكه شقاويـــه
ونشدة واحد حسين صفاه=قال انظره بدون طاقيه
مسكت حظي من يمنـــــاه=في هرجه ابغاه سريه
قال انقلع السهر ما دناه.= وما عندنا سلم فرقيه
قلت ما هذا الغرض معناه.=في هرجه ابغاك مخفيه
قال الخبر منسدح عطناه.=ما اقوم لو جبت جاهيه
وقفيت واسمع يغير دعاه.= يقول عاجز وما فيه
وقام وقرطني بفرد حذاه.= ما جنبت وقعت فيه
وقرطته انا بشرث اخطاه= وشالها وردها ليه
وسقته الشرث في جمهاه.=وقلي معك والسعد بيه