مدري متى ذا الاسى ينزاح=ولا زالت جروحنا تكبر
عطني بصيره عشان ارتاح=كذاب لو قلتلك بصبر

المشتكي من أسى و جراح=لازم عن اسبابها يخبر
جرح الأسى ينجبر بإصلاح=مادام كسر العظم يجبر

جرحين منها ضميري باح=لاقبل خياله معي وادبر
طرياه في خافقي ماراح=ويلاه مالي عنه معبر

سانف مع المد و الأرياح=سايس مع الموج لا كبّر
يغديبك الحال يا سبّاح=إن كان ما جيت فوق البر

أيامنا من نهار و ليل=الحر و البرد عادتها
والناس في عدلها و الميل=خاب الأمل في سياستها

ما عاش من يطفي القنديل=علتك عندي افادتها
لا تلتفت للجدي وسهيل=الناس صعبه قناعتها

من بعض الأجناس ذقت الويل=مثل الثعابين لدغتها
تغريك بالزين والتبجيل=بس الغدر من طبيعتها

مثلك ما يتبع ردي الجيل=امثالك الطيب غايتها
وان مال بعض البشر لا تميل=دنيا دنيه حقيقتها

يا طالب الهندسه تكميل=اشفيت نفسي و حالتها
عن الرفيق الردي باحيل=نفسي عزيزه كرامتها