ملتقى قبيلة حرب الرسمي - عرض مشاركة واحدة - لقاء الأعضاء مع ضيفهم (.!.!.!.) اهلا وسهلاً .!

06-10-06, 02:57 AM

...........................................


	المشاركة الأصلية كتبت بواسطة المرواني1


	مســـــــــــــــاء الخير لجميع الحضور ولمن سيحضرون ورحله ممتعه مع الشاعر العلم ابن القبيـــــله ـــ مساء الورد والفل يابو فهد وأبرك الحزات .... وشكرا لك وياهلا بعودتك الميمونة , وشكرا ً آخر لهذا الإطراء الذي غمرتني به .... ياما حلا الفنجال مع سيحة البال=في مجلس مافيه نفس ثقيله هذا ولد عم وهذا ولد خال=وهذا صديق ماندور بديله تستاهل اللقاء ويستاهلون الاخوان التواجد .. والاجابه منك ولكن لابد ان ارفع ضغطك ((بناء على طلب البعض))في هذا اللقاء واكشف بعض الاسرار ـــ ماعليك زود يابن العم , ويولي رفع الضغط ما يمر حولنا إن شاء الله تعالى .... اكيد بتكون عندك ردة فعل ولكن ماتقدر تسوي شئ ههههه يعني ماتقدر تقصد بي .. بحكم قرابتي لك .. ولو تبي تطري لك بعض الامور هههه مايمديك توصل الا والزعل رايح ههههه ــــ عاداتك , ما تخلي القرادة , أكتب وأنا أضحك , ولكن تصدق ياتصوّرك إنه ما هو بعيد عن الواقع ...!!! والظاهر إنه (( مرماع ٍ طيب )) لاهنت وعساك ذخر ... وما تخيلته ليس ببعيدا ً عن الواقع , وبطاقة شخصية أعتز بها ..... ادري تبي تتفاجأ <<<< ياحبي لهالزقم ـــ عسى زقمك ما هو للهتت , ولا تجيه التركيبة , ولا تمر عليه .... لكن هاللي طايرتن بوهته وواقف ٍ شعر راسه أنت وإلا أنا ... كان انت تقصدني فماشاء الله تبارك الله علي ما أسرع ما عودت لسن الشباب بعد ماكنت على قولتك (( تسعيني )) بالخريف ... ابو فهد عندي سؤال واحد كي لا اطيـــــل على الاخوان هل وثقت قصائد ابن القبيله ؟؟ ـــ بالعكس ... لم أتفاجأ بالسؤال .. وطبيعي أن تسأله أنت أو غيرك , ومن حقك أن أعطيك الإجابة لسؤالك ... ولكن المفاجأة والأغرب هي : الإجابة // ــــ كيف يكون التوثيق الذي تريده وما هي دعائمه !!؟ ولا فرق (( بيني وبين إسمي)) يميزني وأعتز به ويشرفني ما يرمي إليه وإسمي لايحتاج لتوثيق , فهل هناك توافق بين بصمتي وبين بصمة أي مخلوق آخر طبعا ً الجواب بديهي ... إذا ً كذلك إجابتي ,,, (ـ(ـ المرواني1 ـ)ـ) لو سألتك هل تعرفه ... فماذا ستقول ؟... هناك تجد الإجابة .... شاكرا لك تواجدك ولصاحب الموقع ولصاحب الموضوع ــــ العفو طال عمرك , والشكر الجزيل موصولا ً لمن ذكرت ... ولي عوده بأسئله مهمه جدا ... بإنتظارك وما تحمله بجعبتك من اسئلة مع تمنياتي بأنني قد وفقت إلى الإجابة على سؤالك .. ختاما تحية اعجاب لهذه القصيده .. ـــ شهادتك لقصيدتي هذه , وساما ً وفخرا ً أعتز به , وإن كنت تقصد .. غير ما رأيته بإجابتي لك .. فلكل حادثة ٍ حديث , ولكل مقام ٍ مقال , ومن ينتسب لغير أهله مصيره للنفي ... طال الزمن أو قصر وطالما قد نالت إعجابك هذه القصيدة فإليك جزءا ً من إحدى شقيقاتها اللتي أتمنى أن تحوز على رضاك وإستحسانك .... أقول فيها : برّق معي بالحل ياواسع الذوق=ولا تنطبق في كل ما قيل الأذواق يوم إرتكز برّاقها واضحت بروق=برق ٍ حقوق وبرق بالعين برّاق الرّازق الرزّاق والعبد مرزوق=والرمح يزرق به على كل زرّاق إليا طرقت الطـّــرق لو كان مطروق=القى على طرق المطاليق مطراق طقــّــت وطــوّق فوقها يالعرب طوق=وطويق لا طقــّـت طقاطيق الأطباق وثــّـق وتاثق بالثــّـقه علم ماثوق=ترى الثـــّــقات بكل ميثاق وثـــّـاق والقصيدة أطول من ذلك .... ياللي تجيب العلم دايم علـى طـول=منـي طلـب قــدّام لا تبتديـبـه أعرف ترى علمك يجي عنك منقول=منك الخبر والنّاس عنـك تهذيبـه كلن يحسب إنه عن الناس مجهول=وبأتلا الزمان تصير ماهي غريبـه راقب ولي الكون يا كاتـب القـول=حيثه يشوف المخطيـه والمصيبـه واللي يصّدق شيْ ما هو بمعقـول=درسه بغّـرات الّزمـان العجيبـه هذا وأنا ماني على الناس مسئـول=لكـن نصيحـة للعقـول اللبيـبـه دّونتها في صفحة الطّيب مرسـول=تذكار والتـذ كـار مافيـه ريبـه داخل مجالسنا طحاطيـح وزحـول=واللي يريد العافيـه مـن نصيبـه وإلا السحاب اليا أنحدر منه هملول=كلـن دعـى بالخيـر يالله تجيبـه