منعور ياسالـم وكلـي فخـر فيـك=ياوارث ٍ ثوب الشرف مـن جـدوده
شجاع تعجبنـي فعايلـك واغليـك=يابن ظفر هقوتك ماهـي محـدوده
يااللي وهبـك الله جـود ٍ بياديـك=كـن الوفـا حـر ٍ بيـدك تقـوده
يافرحة المضيـوم ساعـة يلاقيـك=ينزاح حملـه بعـد متعـب زنـوده
منعاز فيـك الخيـر للـي يناديـك=طبقت معنى الطيـب كامـل بنـوده
والطيب عادة كل ربعـك واهاليـك=انتم رجال الخيـر وانتـم اسـوده
عز الله انه رابـح اللـي يخاويـك=ضامن على العسرات قوة صمـوده
في فزعتك ماشفت منهـو يجاريـك=ريف الذي بالوقت باحـت سـدوده
مشكور منهـو للمراجـل مربيـك=يامزبـن اللـي زايـدات ٍ وجـوده
قولت مجمل يابن الاخيـار تاتيـك=عبر بهـا لسانـي بنفـس ٍ ودوده
لوكـان ماتوفيـك حقـك وتكفيـك=حيثك سنافي وافـي ٍ فـي وعـوده
ولو طالت الايـام مانـي بناسيـك=والنفس ماهـي للجمايـل جحـوده
هـذي مبادينـا تطابـق مبـاديـك=من يصدق الوقفـه نثمـن جهـوده
عساك فـي دنيـاك تلقـى امانيـك=يحرسك من ضافي على الناس جوده
وعسى الولي من كل بلوى يعافيـك=وماتعمله من خير يرضيـك فـوده