[poem=font=",5,#a0522d,bold,normal" bkcolor="" bkimage="http://www.alhroob.com/harb.jpg" border="groove,4,#a0522d" type=2 line=0 align=center use=ex num="0,"]
يانجد قولي لي عن الملـح والـزاد=واللي جرا فـي نجـد لا تنكرينـه
نبي الصحيح اللي توثقـه الاسنـاد=وش ثقل ماجوبه على مـن يدينـه
عن علم نسمع به على من له احفاد=جـد اثلاثـه مـن ورا والديـنـه
متجاوز القرنين مـن دون الاحـاد=يوم الرجـل تفتـك حقـه يدينـه
سلتك مسالت واحـدٍ جـاك نشـاد=من صوره الحاضر تبيـح كنينـه
قزر حياتـه بالضجـر والتجـلاد=يسكت ولو شاف المهونـه بعينـه
مواهبه تنقص وعـن واقعـه زاد=والريح يخلف في يمـوم السفينـه
والناس ماترحم مـن البـد والنـاد=واهـل النمايـم لشوايـب فطينـه
يقوله اللي صارع الوقـت بالمـاد=حدره جواد وفـي يدينـه سنينـه
والغلب يامره على روس الاشهـاد=وامـر وادهـا لاخذاهـا سنينـه
حظن من الله والتهاون والاجهـاد=يظفر بها من سجلـة فـي جبينـه
كبوت احصان وفوقة اجياد لجيـاد=والفضل لالله ماثـرة بالضغينـه
ليه ضمير وبالـغٍ سـن ألارشـاد=وأمالنـا بالله احبـالـي متيـنـه
يانجد قوليلي تـرا عنـدي اجهـاد=باقي من الصحبه مخامـس يمينـه
واكثر مواجهنا بصدفات ألاعيـاد=لا قايـلٍ وينـي ولاقـول وينـه
واقول واستثني عن الوضع من غاد=بعد الصلـه والابعشـرة سنينـه
والواجب ان المداعي يفرق الضـاد=والايخيليهـا جنـيـه بخزيـنـه
عن شرهةٍٍ تثر حـزازات واعنـاد=لو كان كلمة سـوء بينـك وبينـه
ان قلت مااوحيته ولا عندي اوكـاد=موحيه وملوك الرضـا سامعينـه
ردت عليه نجـد بالمنطـق الحـاد=النعم مهما الوقـت قسـوه ولينـه
الوزن بالكفه لهـا ارقـام واعـداد=والناس ماهي في بعضهـا أمينـه
الملح للنويشي قصب سبعـة اولاد=واهان بالسيف الحدب مـن يهينـه
لراس باس ليا زما مـر الاكبـاد=لطـم العيـول ليـا تبيـن دفينـه
والامر لالله مافعـل بـه ومـاراد=والعبد ينـوي والله اللـي يعينـه
قلت اسمحي ليه يامابك من امجـاد=نوابـغٍ مـن كـل يمـه وعينـه
مافيه عصر الاتبا تسيـده اسيـاد=لاني من اولهم ولا اتلا الضعينـه poem]