فواز الزويهري=
سلام سالـم لكـم تنحـاز=يالبشري اللي على الميثاق
ياليت قلبي من اسمك فاز=و البشر بشر اللقا باشواق
سالم البشري=
ترحيب مني لكم واعزاز=ياللي على الطيّبة سبـاق
وانــا فحـروتـك يـافــواز=مشتاق إنته وانا مشتـاق
فواز الزويهري=
ياسالم القلب يبغى ايجـاز=فاللي نزلبه عريب اعراق
والباب دونه قفل ماجتاز=والروح فيها الرجى خفاق
سالم البشري=
مـــادام تـقـديـرهـم مـمـتــاز=حايز على الطيب والاخلاق
لـكـل شـفـرة رقــم وجـهـاز=تفتـح لـك القفـل والأطـواق
فواز الزويهري=
دونه كتايب لهـم رجَـاز=من حام حول الحمى عواق
وأنا مسالم وقلبـي نـاز=رميه بلطف الصفا ورفاق
سالم البشري=
سايس أمورك بِلا اسْتفزاز=حتـى تلاقـي لهـم مـطـراق
مـا دام قلـبـك لـهـم معـتـاز=إسعى لهم بالقـدم والسـاق
فواز الزويهري=
مندوب جاهم معـاه إيعـاز=من قلبي اللي اصابه احراق
فحسن السياسه لنا الإنجاز=وفامر التصدي بهجره فاق
سالم البشري=
لا صـار جـاه الخبـر مـا جـاز=شرحك وختمك على الأوراق
إقــنــع ولا تـتـبــع الـمـنـحـاز=ليـل الشقـي ينتهـي بـاشـراق
فواز الزويهري=
ياسالم أنـت لقلبـي جـاز=عطني البصيره كفاني ارهاق
صاروخ نحوي جديد اطـراز=الراس ذري لصدري شـاق
سالم البشري=
أعطيتـك الخبـز يالخبّـاز=وانصحْك يامتابع البرّاق
خلّك لصيد الفرص نهّاز=لامن بدا واصعد الآفـاق