كانت هذه المحاوره الشعريه ولا اضنها تسمى محاورة بل قل اسناد ورد مع الشاعر والاعلامي محمد صلاح رئيس قسم الادب في صحيفة الجريده الكويتيه
مــحــمـــد صــــــــلاح:
قبل ما يستحكم الليـل ويعِّـم الظـلام=صاح وجداني من الهم : ربعي يا هلي
من ينادمني عسى الروح تظفر بالسلام=من يحاورني، على شرط ما يقبل خَلي!
خالد:
مرحبا با الشاعراللي بدا عذب الكلام=مرحبا ترحيبت (ن) نورها نور ملي
مرحبا يلي على الصدر علقت الوسام=وعادت الصقر القطامي يهوم ويعتلي
مــحــمـــد صــــــــلاح:
يا هلا بك مثل ما هّل بالوبل الغمـام=والمداهيـل العذيّـه مداهـا يمتلـي
جيت يا خالد كما الجود يا نسل الكرام=ومع مثل شرواك كامل همومي تنجلي
خالد:
خابرك شاعر رومنسي وتكتب للغرام=القلوب الخضر دايم تحب المنهلـي
تطرب الشعار وتعلم النـاس النظـام=يسحابه فوق روس الحبايـب هللـي
مــحــمـــد صــــــــلاح:
ليتني ماني على خبـر وافيـن الأنـام=في علوم الحب.. لكـن قلبـي مبتلـي
وإن سألتك: هو على عاشق القمرا ملام=دامها هي غاية الروح؟ تكفى رّد لـي
خالد:
والله ان المحترم يجبرك با الاحتـرام=لو غليت الي براسي على الجمره غلي
لا حشا ما يلحقه لوم يا الشيخ الهمـام=كم من القمرى بنار المحبه مصطلـي
مــحــمـــد صــــــــلاح:
يا سلام الله علـى اللـي بلحظـة إستـلام=سلّم الصافي ما هو دلو من ضمن الدلـي
عـاد يالـشـلال دام المحـبـه إلـتـزام=من يضيم القلب وش رايك هو لي أو عَلَي؟
خالد:
انت ذكرت الجروح الخوافي بـا الهيـام=مع وليف (ن) كل ما قلت قرب يخجلـي
والموارد وافره والدلـي بيـدي حشـام=وسرعة المرسول تطلب وصات المرسلي
مــحــمـــد صــــــــلاح:
يعني صفّينا إخويا في هوانا بالتمـام=وأعتبر منهلك يشبه زلاله منهلـي؟
أجل وآنا أخوك دامك سواتي مستهام=جر صوتك ثم أجاوبك باللي ما يلي
خالد:
يا محمد ماتصيب المحبيـن السهـام=مايعيب اهل الهوى غير من قلبه خلي
لاهو ابعيب علنا ولاهو بـا الحـرام=واذكر الله ما افتي الناس لي رب ولي
مــحــمـــد صــــــــلاح:
الصواب اللي بقلبي مثل صـف القيـام=بس ما به من خشوعه وهو مثل الفلـي
والله أني لولا قرب الشهر، شهر الصيام=لأخبرك وشلون حبي لمن مالـه حلـي
خالد:
والله ان اجروحه العام جرحه كل عام=يامحمـد لا يفـارق ولاهـو يقبـلـي
كل ما قلت ابتسم لي تصـدق ببتسـام=قال اخاف اضحك معك ثم تطمع بكملي
مــحــمـــد صــــــــلاح:
الجروح تروح بس البلا سقم العظام=لا تعّدى الحب قلبك ، غدا مثل الوَلي
والحبيبة دامها ما اصبحت هي المَدام=وصلها على الذي يمهل ولا يهملـي
خالد:
انت راعي تجربه رحت يام ورحت شام=ما لقيت امن الدكاتـر طبيـب مخملـي
يعطي الوصفه ولا يخبر احد امن العوام=ان ذكرته يـا محمـد تـراك امجملـي
مــحــمـــد صــــــــلاح:
تجربة قلب المغامر مخاطر وإقتحـام=وعن عيادات الدكاتر ما يقرب منزلي
وش تفيد الوصفه القاصره دون المرام=لا غدى الواقع بدون الحبايب ممحلي
خالد:
تقتحم با الحـب هـذا يسمونـه هـدام=انـت تبغاهـا عليـه بحـال اتميـلـي
سايس الدعوى وخذها على وزن الجرام=والهوى لاهب غربي يعـود ويشملـي