أبيات بعنوان : راح العراق
بقلم / فواز بن محسن الزويهري الحربي
🍃🍃🍃🍃🍃🍃🍃
راح العراق.. أعراق..والعرق مقطوع
ينزف نهر ... خيبة بدم العروبة
ويصيح وصوته فالسما صار مسموع
والأرض ما تسمع ... واثرها كذوبه
المشكلة صارت للاذناب مشروع
وكل عليها صار يجهد ركوبه
والكل باسم الدين له لغم مزروع
حتى الطفل طخوه ويش هي ذنوبه
نهر الفرات أصبح عقب عذبه دموع
ودجلة تقول اللي جرالي عقوبه
والنخل مات وشامخه صار مخنوع
وأصبح ذليل فتربته ما اغتنوبه
والسيف يوم العيد ضحوا به افزوع
ومن طاح سيفه طايحات جنوبه
〰〰〰〰〰〰