الله ولا صاحب يضيع هقاويك
أظن فيه بخير وياتيك عكسي
ايزيد في همك ويردف بلاويك
قليل عقل ومنعدم فيه حسي
لاواخسارة فيه مدت اياديك
اللي بملبوس الردا دوم مكسي
أطلب من الله من بلاهم يعافيك
وأبعد عن اللي لفته لف تكسي
لايعرف الجزعه ولايوم يجديك
رجل في ربعه والمواقيف منسي
دور من اللي للوازم يناصيك
رجال عرف وله مواقف وجسي
اللي لياجات الهبايب يذريك
مثل الجبل عند المواقيف يرسي
حر ن على يمناك حطه يخاويك
أن كنت ناب يكون لا الناب ضرسي
أبيات ماهي للغناني تسليك
أبيات تعطيكم من الناس حرسي
خليفة المزروعي