المشاركة الأصلية كتبت بواسطة فواز الزويهري

جريت صوت تالي الليل معناه= من جوف قلبي للفطين الفهيمي
أخوك يا نواف يوصيك بوصاه= أحذر تبات ألا بالاسم الكريمي
وأحذر تقول أبوي والطيب يبراه= وأنته كثير النوم عظمك هشيمي
لكنَ خلك ذيب يشقى لمبداه= جمع العدا ولاَ على أهلك رحيمي
وافخر بطيَب فعلك الطيب منقاه=وأحذر تجاهر بالزلل يالقريمي
في وقتنا للشين ياخوي مزهاه=أحذر يغرك ليلٍ أسود بهيمي
وأنته سلالة حيد بالعز مرساه= كم واحد فالحيد هذا مقيمي
جدك ربا بونا وحنا على ارباه= رباه ماريكن لزين الحطيمي
صقر( ن ) على الماجوب للوقت جافاه= وقلبه بعذب العفو دايم سليمي
ياخوي منهو يتبع الشين يلقاه=ومن رام صيد الريم يظفر بريمي
وخالف هواك إن كان ماطاب مجراه =واجعل لنفسك من هواها خصيمي
واتبع نبيك واجعل اخطاك بخطاه=ايسرك اكتاب (ن) بفعلك رقيمي
وختامها صلي على اللي رضيناه= على أحمد الهادي الشفيع الحليمي