البروق اللي تلاعج من شمال و قبله= علّها ينزل مطرها ثم يسقي الديره
لين ينبت من مطرها سهلها و العبله= و يجلي قلوب البشر و يبدد التغبيره
و ينبت الحوذان و البقرا و ينبت ربله= و الثمام بوادي "الحفنه" يغورب طيره
اشهد ان كبدي من اللي حاصلن مندبله= كل ما يحصل غريب و كايدٍ تبريره
العرب صارت بوقت العولمه منهبله= ناس لا ترعى قرابه أو تراعي جيره
كل واحد صابته نشوه لصوت الطبله= و الرويبض قام يتململ و يقرع زيره
يوم عنتر ساتره ربه و راتب عبله= ما شكر ربه على ستره! ، و ابلش غيره
ما خذ العبره من اهل الفتنه اللي قبله= اصبحوا في مردم التاريخ في تقريره
ما معه في غيّه الا الإمّعه و الأبْله= و آخرتها ينتكس عنتر و يمهن صيره
وبالنهايه يالله ابنوّن صدوقن وبله= يسيِّل الوادي و تملا جمّة الما بيره