السـاحه اللي ماتوقى عن العيب=من جالها صيورها تستضيفه
لو كان تحت أسمه علامه وتشطيب=مـا تنقله وسط الجزيره صحيفه
مدري يبون من الاثاره مكاسيب=والا عيون أهل الاداره كفيفه
وصلت جرأتهـا بشتى الاساليب=نبش الامور المرمسه والمجيفه
مثل اللقـاء الماضي سخيف الهناديب=ياعنك مابه لنشـاما طريفه
معتوه يرقص له على الضيحه ذنيب=لو خالف إحساب العدد مع عريفه
ماله من الماضي سوى فرية الجيب=حقايق الاحداث ماهي بكيفه
لوكان قد اليا لفته المناديب= أرست بوابير البحر في رصيفه
مايكمل النقصان زيف الاكـاذيب=لو يبتسمله بالامور السخيفه
مافيه عيبٍ ثـابتٍ فيه ماجيب=نوبٍ بني عمه ونوبٍ حفيفه
طالع ولافي هو وأبـالعون وعضيب= تناتفو دقنه تقل نتف ليفه
وشقير إبن عمه مهد الاصـاعيب= سجه برمحٍ غاص فيه النصيفه
في راس عودٍ من فرى جاشه يعيب=مثل الذي شال العقيد ورديفه
أسبـاب تهميشه لحام المضاريب=إعمر أبو ماجد مرو الرهيفه
وألا معده في جنوبه منـاقيب=يكفيني انه ما تجمل بضيفه
حنيف كد ظافه على غير توجيب=وعلق صوابٍ مايعالج نزيفه
وخلد كلامٍ في ذهون اللواعيب=من جاه داسه لين يطلع غريفه
ولحرب وعتيبه حقوق ومواجيب= مقدارهم في رأس عيطا منيفه
مع المؤسس حاربو كل تخريب=لينٍ(ن) إخو نوره حكمهـا بسيفه
من شجرةٍ ما حافها الشك والريب=يعلهـا تبقـى محـالٍ(ن) مريفه
يستاهلون المدح كل المناصيب=زبن الشعوب بكل حالٍ مخيفه
والعلم ياسلمان يحتاج تعقيب=ياميرنجد وياشتاه ومصيفه
ياميرنا العادل حصان الاطاليب=مال الحطيئه في زمانك خليفه
كثر المكابر في ظلال المعازيب =حتى المزيف قام ينصب بزيفه
لاقصد بها الساحه ولاالمراقيب=آخص من تاقع عليه القذيفه
اعلامنا ماهو ملاحق مشاهيب=العنصريه ماتعز السقيفه
اعلامنا كلمه ولشعب تهذيب=ومواجهتنا بالوجيه النظيفه