مليون نعم اقولها بالغيادين
اهل الشيم واهل الوفاء والبتاعه
ازحول الرجال اللي تدك الميادين
قبيلتن ياحرب باب الشجاعه
(مدالله النواق)
_________________________________
يستاهلون النعم بااول وهالحين
ماساقو اول للحفيف الرتاعه
واليوم روسنً من هل العلم والدين
لاكبرتّ القالات ماهم تباعه
مقلتها قصدي مهايط خبالين
اقولها من معرفه وبقناعه
عرفت منهم عدة أرجــال حيين
تميزو بالمعرفه والشجاعه
ولي يشك ويرمي ايسار ويمين
يقرب ويفتح للمذيع الاذاعه
حناهل الكلمه نضيفين برحين
وبن سماح توصلونه وداعه
قولو لبو مشعل طليق الحجاجين
والله مصديت عنه بقطاعه
توزعت قدمي من طرق ستين
بين الحلال ومايصوب الزراعه
باليل اسامر طايشات الثقلين
وماطاح من نجم السماء يم قاعه
والصبح قصة خلص الدين بالدين
حط الكفيل ونسحبه في كراعه
صبرك عليه بس حروة سبوعين
واجي ازيارة ود ماهي طماعه
ياالشايب الي بان شيبه على الزين
يفداك من قفا صحيبه وباعه
اقفاية الي ذيرة بم روحين
مطارة الا يوم ثارة سراعه
حس النميلي والعبوه غزلين
وتنحرت ظل الشجر بالعاعه
تم الكلام الي امانه مع اثنين
انكان منكم من يحفض الوداعه
غير الكلام المرتجل قولو امين
انه يخس مروجين الاشاعه
غازي الزغيبي
___________________
بسم الله الرحمن الرحيم
هذه القصيدة رداً على الشاعر العملاق غازي الزغيبي
بديت بإسم المعتلي مالك الدين
المنفرد في عظمته و إطلاعه
و من بعدها على جميع العناوين
الله يوفقنا طريق السناعه
يا مرحبا بالمبتدي و المجارين
من هاجسن طيب الوفاء له ولاعه
و اللي نصانا بالبيوت المثامين
عقب القبيله خصني بإقتناعه
اللي حسبني من حساب الوفيين
و اختص لي طيب الوفاء و البراعه
و انا ادري انه من ورايه بطوفين
عوق الخصيم إليا فسر عن ذراعه
ابو طلال إليا ارجحن الموازين
يبين في زوده إليا كال صاعه
غازي شجيع و من رجالن شجيعين
ما يطمنون الراس بعد ارتفاعه
ان قيل يا لاد الزغيبي سريعين
يجيبهم صوت النداء بربع ساعة
إليا استعدوا في نحور المعادين
لهم على الجمع الثقيل اندفاعه
باقي علومه حطها بين قوسين
على رجاء عزٍ يقبقب اشراعه
يشكي عن الدنيا و كثر الشواطين
الله يبدل ضيقته بإتساعه
يا غازي الدنيا لها فرع بابين
باب الغناه وباب.. باب المجاعه
اللي مضى هقواتنا بالعرب وين
و اليوم شفنا بالحبال انقطاعه
انحاول بها تمشي على المذهب الزين
اخير من درب الجفى و القطاعه
يا ما كضمنى الغيض و نقول عافين
نخضع لوال العرش سمع و طاعه
الناس بلشوا بالرخوم الرديين
سود القلوب مفرقين الجماعه
يومن على صحبه و يوم امتشاكين
و يومن عسى ما تعود ساعة نزاعه
و يومن يثوّر عجها بين الأخوين
اسود عبوسن ما يوصف صراعه
و يومن لابده يكبر العلم و يبين
يعرف به التاجر و نوع البضاعه
إليا جاتنا من يم ناسن قريبين
نصد عنها بقو باس و شجاعه
اما نخليها تذب الخريمين
و نقول روحي روحتن بإنقلاعه
و إلا نعالجها و نخزي الشياطين
في كلمة نقولها في وقاعه
نحفظ شرفنا مع رجالن عزيزين
المال حفظه ما يشابه ضياعه
حنا على فعل الجمايل مضرين
ورثن لنا ماهو تصنع صناعه
نرخ المتون إليا بقى الحمل حملين
نشيلها و إلنا عليها استطاعه
طبيعتن كنا عليها متربين
إيه نحفظها مثل حفظ الوداعه
هذا كلامي و افهموا يا فهيمين
عزي لمن يقصر عن الطيب باعه
كلمات محمد بن سماح الغيداني