إحترت ياربع في موضوع=وابي هل العرف يقرونه
لاخطيت قيل الخطا مرجوع=وان صبت حقي ومادونه
والرجل في حقه المشروع=ما يقبل البوق والمونه
دور التطور نحر وضلوع=وكتوف ووروك مازونه
واحدنٍ مقرّه بجنب الكوع=واحدنٍ تربّع على متونه
واحدنٍ يصيّح بدون دموع=له خبزتن دوم مدهونه
والدرع فيه الضما والجوع=تمر النخل جفّ عرجونه
راعيه لاقام في مشروع=ماله موجّه ولا عونه
والريّ كله نخل وزروع=(يعّطَون) مايستحقونه
وصوت المواطن ماهو ممنوع=حتى المعازيب يوحونه
وقفت انا موقف المقطوع=يبلص على الشمس جالونه
ويا هيه يا متابع الموضوع=يدين الابطال مامونه[/poem]
#يِعّطون : يأخذون