الشعرمايخفاك كله ارساله
منه الأثاره والمناحروالاصلاح
يمكن اترجم فيه لاصلاح قاله
ويمكن يقال ومنه جت ثورة اسلاح
مثل الهلالي يوم يفتك خاله
ماهوبطقطقة المنابروالافراح
ياقل وقت اليوم شعرالاصاله
والغث ياكثره على خف وجناح
والله يلولا سجة مع ارجاله
خطوالشيوخ مروية علط الارماح
لقيل يغازي مجالك الحاله
واصغولي اللي لتماثيل لحاح
واسترسل الهاجس على غير اطاله
وقدمي احجاج طلق والصدر منساح
يفتح مغاليق الضمير بقباله
وتطريلي اللي وقتهاعقد ماتاح
لعلن من الشعر الشريف استقاله
واحط دونه باب من غيرمفتاح
واليالقيت اللي يدورمجاله
يبي القصيداللي معانيه قراح
اقوم ماثمنت حتى سؤاله
من قال والاقلت مقفي ومرتاح
#غازي_الزغيبي