بديت باسم اللي بسط سبعت أطـواف=وأزال ديــنٍ للشريـعـه ينـافـي
أمره يتـم بكلمـة النـون والكـاف=وفضله علي كـل المخاليـق ضافـي
وبعده كتبـت رسالتـي لبـو نـواف=نصِّيتهـا ريـف المشاكيـل لافــي
لياء باروقت اللازمـه كـل بـلاف=يوفي الرجال ويأخـذ الحـق وافـي
عنداللزوم يبين فـي راس مشـراف=لياء ضيّع العرفه خطـات الرهافـي
هيف السمين لياء لفا البيـت هـداف=طلق الحجاج لياء هبـا كـل هافـي
من لابتن ماضٍ لهـم فعـلٍ يشـاف=فـي ساعـةٍ مافيـه بـرد وعوافـي
لياء جاء نهارٍ فيه الاريـاق نشـاف=وطـال الطـراد وكلحـن الاشافـي
أهل اللويصق مرويت حدب الاسياف=مرويـن حـد مرهفاتـن إرهـافـي
خيالهم مالـه عـن القـوم محـراف=لياء طوحـن البيـض سمرالغدافـي
ربعٍ يهدي ضربهـم كـل مزعـاف=عدوهـم يكـره لقـاهـم إعيـافـي
عـدوهـم مقهورلوجمـعـه أرداف=واللي مضاء يابن الحمولـه إيشافـي
تلقى لهـم فـي ديـرت القفرسـلاف=يتلـون شيـخٍ بالخطـر مايخـافـي
شيخ الجهـام اللـي تقدابـه أسـلاف=يتلـون أخونـوره ربيـع الضعافـي
يرعى الخطربمصقل السيف مخـاف=وتأمن بهم بالخـوف حـم الشعافـي
يابن الرجال اللـي نحاياهـم إكـلاف=يوم البراء مـردود والجـو صافـي
أشوف رجلٍ بـه هرافيـل وهـراف=الله يزيـده مـن وبــاه الهـرافـي
دايـم عليّـه مـن هواديـه حـذاف=لوكان ركبـي عـن ركابـه مقافـي
ثنتين جنا وقلت لـه بألـف مـذلاف=مانـي خـويٍ للعقـول الصخـافـي
ماني علي بعض الطواريق مزهـاف=يومٍ بعـض النـاس فيـه انزلافـي
لاشـك جتنـا الثالثـه مالهاألـفـاف=يأديـب ماتضفـي عليهـا اللفـافـي
ينشرسواليفآبهـا أربـاع وأنصـاف=علـي إجتمـاع المايـده والمصافـي
لوكان ماله مع هـل المجـد ميقـاف=يقـول أنـا قـطّـاع جردالفيـافـي
قلبه مريض وداخله نقطـت رعـاف=شباب ضوء الحقـد لوكـان طافـي
حلو اللسان اللـي سواليفـه إسهـاف=يرم النعول ويـدرق النـاس حافـي
مابه ثناء لو أنّقلـه فـوق الاكتـاف=الله مـن ذيـك النمـونـه يكـافـي
وغيره رفيقٍ يابن الاجـواد ينعـاف=يعـل مالـه عنـد مثلـك مـلافـي
دايم عليّـه منطقـه ناشـفٍ حـاف=ياخـوي ضيّـع حيلتـي وإحترافـي
سيطرعليّ ورفقتـه رفقـة إسـراف=ووقعت لـه مـن ذلتـي بإعترافـي
حنى عليّ السيـف وأوقفنـي وقـاف=الشمـس قدمـي والمليلـه إخلافـي
وهذا الذي سبب علي حالـي تـلاف=وخلانـي أبديلـك إعلومـآ خوافـي
أبهـا قــدام وتـعـود إخــلاف=وقفت نصيـب ولاعلـى الله خافـي
وعيني لها عن لذت النـوم صـراف=يومٍ كـل فـي حلـى النـوم غافـي
وقلبي يجيه مـن الهواجيـس لفـاف=لف العواصـف للغصـون المشافـي
لياء مر هاجوسٍ علي قلبـي وطـاف=هـمٍ يــزول ومردفـلـه قـوافـي
ولولاء الضلوع اللي علي قلبي كتاف=نـزع كمـا طيرالوحـش يالسنافـي
وأخفي صواب القلب من خوف ينشاف=من خوف لايدري خطـات الهلافـي
ينشركـلامٍ لاسمـع بـه ولاشـاف=عندالعرب يأديـب مثـل الصحافـي
قال السديري بأول الوقت لـه قـاف=وقاف الشريف وقاف صقرالنصافـي
ومن خلقت الدنيا ترى العالم اصنـاف=ماهم سوى بيـن الرجـال إختلافـي
متخالفيـنٍ بالمذاهـب والاوصـاف=وأطباعهـم يأديـب فيهـا تنـافـي
وبعض الرجال إجمال في كل ميقاف=لياء غاص بالدفـه حيـود الظلافـي
وبعض الرجال إجروم وهدوم وغلاف=واللي بقـى مثـل السفـا بالسوافـي
في منظره يعجبك وهدومـه إنظـاف=لاشـك مغيـر الهـدوم النظـافـي
عشبت دماله لوزهـى نبتهـا عيـاف=ما ترعـي حتـى يجيهـا الجفافـي
من طلعته مثـل الحويّـر بالاريـاف=عشبت ربيع ويرضـع الديـد دافـي
وهذا وأنا ربعـي عزيـزٍ وأشـراف=والفضل لله ما جفـا النفـس جافـي
ربعي ذرايه عن هواء اللاهب الحاف=درعي لياء صارت سمـوم وهيافـي
عدوهـم دايـم يجـي قلبـه خفـاف=أعـزاز النفـوس مشيديـن الرفافـي
جتك الرساله تحتوي جملـة أهـداف=عبرت مـا كنـه ضميـري بقافـي
والعرف مايعرض علي غيرعـراف=ونظرك فيها ياأبيض الوجـه كافـي
وترى المعاني بين جزلات وضعـاف=لوهـو كـلام ومنطـقٍ بالاشـافـي
وتم الكلام اللـي بـدأ باسـم نـواف=وأخر مشّد القـاف والحـرف لافـي
وصلاة ربـي عـد ماهـل خـذاف=وعـداد مـا زار المشاعروطـافـي
يا مل قلبٍ بيـن الاضـلاع رفـاف=رفـت قضيـبٍ للمقفـى إمشـافـي
يالله يامنـزل تبـارك والاحـقـاف=يـا عالـمٍ مـا كـان بيّـن وخافـي
تفرج لقلـبٍ مسـاء البارحـة هـاف=يلطـم كمـا لطـم البحـر بالمرافـي
قلبي من الهوجاس يهـوي ولاهـاف=وأرقبت بالمرقـاب مـن جورمافـي
يومي كما اوماي العلم وقت الاعصاف=قامت تلوفـه بالصيـوف العصافـي
وأرقبت في رجـمٍ طويـلٍ ومهيـاف=مـن فيـض غيـض وهـمٍ لجافـي
ومن الخطر كني علـي حـد شفـاف=من هاجسٍ لاقصـى المعاليـق لافـي
سبت كتـابٍ بـه تماثيـلٍ إطـراف=متفقـده راعيـه مـا بـه هـوافـي
كـلام مـن هـو للتماثيـل عسـاف=عساف صعبـات القوافـي إعسافـي
يا مرحبا بكتاب من يصخـر القـاف=ما هو مـن اللـي يهتمـون القوافـي
الله يفكه مـن عواريـض الاصـداف=الشاعراللـي لـه أبيـوتٍ إكـلافـي
عضيب لكبـود البغيضيـن رضـاف=وعند اللزوم يبين مـا هـو اعكافـي
اللي لقلـب الضـد بالمـوت لغـاف=وبين علـي خـده ثـلاث الجرافـي
عزيـز نفـس وللجزيـلات جعـاف=للحيـل ولا مقرحـنـات الخـرافـي
هيف السمين لياء لفا البيت من ضاف=طلق الحجاج لمن لفـا لـه وضافـي
وله رفتٍ فيهـا تحلـى بهـا رفـاف=و وجار بـه صفـرٍ كـرامٍ إهدافـي
من لابتن يـوم سوقـات الاعطـاف=يرسـون قـدم مسوقيـن العطـافـي
علي العدو يردون عجليـن وخفـاف=وبالكون مثل طويـق ماهـم اخفافـي
قومٍ يهـدي ضربهـم كـل زنعـاف=و نطيحهـم لازم يكـب الزغـافـي
خيالهـم مـا قيـل هايـب وخـواف=ماينهـزم للضـد عجـل انحـرافـي
بقيـادة اللـي للملابـيـس حــذاف=مـا خلّـد الفسقـان وسـط الغلافـي
وأن غرت الهقوات شراب الاعـذاف=يسقيه مـن سـم السقطـري اعذافـي
شريـدة الفرسـان لـلـدم نــزاف=ويذبـح لـزواره كـبـار الدفـافـي
وأنا بعـد مـن لابتـن فعلهـم نـاف=بنـي عمـر خيالهـم مـا يفـافـي
أفعالهـم بالمجـد ترجـح بالاكفـاف=لياء غرت الشوفـه خطـات الهيافـي
كم شيخ قومٍ تاب ومن الطمـع عـاف=قـد ذاق منهـم مرهفـات الشلافـي
في صوبهم ما عـاد ينظرللاشـواف=من ضرب عطبات السيوف الهدافـي
ما صاحبوا للناس في شاة الاحـلاف=منزالهـم بيـن القبـائـل اعنـافـي
وزعيمهم فيه العرب تضرب اوصاف=بيومٍ يكـون الارض فيهـا ارتجافـي
صليب راي ولاهـل العنـف عنـاف=فعـل الذويبـي راجـحٍ بالكفـافـي
راع اللويصـق للمشاهيـر قصـاف=لياء جـاء نهـارٍ للسبايـا انقصافـي
للروس في سيفٍ لـه أذكـار نسـاف=عـز الصديـق وبالمعاديـن شافـي
سيف العطب لرواح الاضداد قطـاف=فتّـال رأى ومـا حكـى فيـه يافـي
ولا قول حنا التاج من فوق الاطـواف=كـلٍ يمينـه دون حـقـه إتكـافـي
يا ما سكن وسط الجزيره مـن أولاف=وأبطال من كـل العـرب يالسنافـي
ما هي علوم اللي يشيلـون الازفـاف=اللـي مراجلهـم بشـيـل الزفـافـي
اللـي فعايلهـم تـزيـف إتـزيـاف=وحصيلهـم دقّ اللـحـى والنهـافـي
والناس مثل مـا تفضلتـوا أصنـاف=ما هم سوى بيـن الرجـال إختلافـي
مثل الذهب باعضيب في سوق صراف=كامل ونصف وفيـه وزنـه إخفافـي
وذكرت مخلوقٍ مـن الخلـق قـذاف=وتقـول قلبـه فـي نقطـة إرعافـي
يأديب أنا ما أدري من أيات الاطراف=والغيب يعلم بـه معيـش الضعافـي
خليتني فـي مرفـق الطـرق وقـاف=وأوقفتنـي بيـن المعانـي اوقـافـي
شتت فكري بيـن مخلـف وخـلاّف=في مهمهـآ بيـن الحفـر واللصافـي
دوٍ به الجازي تربـي بهـا اخشـاف=وقتٍ مضى يوم الصحـاري ريافـي
خابـرك للنيشـان تجـدع وهـداف=وسهمـك قاتـل ماجروحـه إطفافـي
وترى العدو يبغى علي الكبد مرضاف=يـا ناقـل الرمـح الشطيرالحيـافـي
وأنا بعـد عنـدي للاضـداد هفـاف=مضى المجرب مـا كلامـي إزيافـي
وكانه من الادنيـن خابـرك عـزاف=عزوف نفس ومـن رجـالٍ إعزافـي
خلك عنـه لجـل هـذولاك عفـاف=واسمح علي شـأن النفـوس العفافـي
وراع الخطأ دايم مهـدد بالاحسـاف=يجب لبعض الشيء يحصـل تلافـي
وأنا لعض أحوال مـا نـي إمكـلاف=ولا العـدو عنـدي لقلبـه إرضافـي
ولا ني لظرف الخلق ناقـل وكشّـاف=هذا حسـب عرفـي ولانـي سلافـي
وتذكر رفيـقٍ فيـك ماهـوب رواف=الله مـن ســوه وشــره يعـافـي
هذاك بأمر اللي لـه النـاس عكـاف=وبأمره ذكر يوسف سنيـنٍ إعجافـي
والعزم يبراه النجّم يا بـن الاشـراف=وكلـش بتدبيـر الولـي لاتخـافـي
وأنتـم لكـم مـع الصقاقيـرجـزاف=صاروم توجدبـه جميـع الوصافـي
عدل المناكب فـي مخاليبـه إذعـاف=كفـه عطيـب وفيـه سـمٍ إذعافـي
يا عضيب وقت مولع الطير ماطـاف=اقنص بطيـرك يالرفيـق المصافـي
أشقر عطيب لحامـي الجـول كفـاف=من ماكرٍ صقـره عطيـبٍ إجزافـي
وان كان طيرك لابرق الريش ماكاف=حـظٍ ربـض والعلـم مالـه ملافـي
ومدام لك في قاعـة البيـر غـراف=هداج تيمـا لوغـرف مـاه صافـي
وأن كان بك من بعض الاحوال حفاف=وتحس من بعـض الليالـي إحفافـي
جميع ما تملك ايدينـي لـك إسعـاف=حلفت ما تبـرد وأنـا أجـد إلحافـي
وتم الكلام اللـي بديتـه بحـرف أف=وختمت قافي يالسنافـي علـي أفـي
وصلاة ربي عد من بالحـرم طـاف=علـي نبـيٍ وضّـح الديـن وافــي