نعيم عام البحور اليـوم=واصطاد حوت البحر كله
ليه سنه فالبحر محروم=ونعيم كن البحـر خلـه
فواز لا تعارض المقسوم=قـسـم انقـسـم لــك بتـقـلـه
لي فن فالصيد يوم اعـوم=ارخي على الصيـد واتلـه
كم أغرق البحر من زيزوم=غدار ولا لـه أبـد ملـه
أخاف وسط البحور اغيوم=والدمع حسره ترى تهلـه
الموت فوق البشر بيحوم=مـا يختلـف غـيـر فالعـلـه
ربان عايش واطش اللوم=وعشق المخاطر لنا جبله
أصد عنك الزلل محشوم=وأنت أفندي ولك حلـه
درب الموده عليه ارسوم=ياذيب بالكـاش تدفعلـه
مسموح وما بيننا معصوم=يا منبع الطيب مـن اصلـه
يا من بدعلـي وحـط علـوم=شـرواك نعنـى علـى مثلـه
طير القماري أبد لا يحوم=ياصقر في و جوكم ذلـه
شرواك عالي ولد عيصوم=يامكثـر الهيـل فالدلـه
خذنا معـك وافـي المعلـوم=مـن دق علمـه ومـن جلـه
شرواك فاهل القروم قروم=يـا اديـب فالـفـن نشهـدلـه