لا والله الا سـاع دقـن الاجـراس
سرقت بيوت الشعر رغم الحراسـه
الشعر مثل البني لابـد لـه سـاس
ولا يستوي بنين على غير ساسـه
قد قلت له حرفٍ بدعته من الـراس
مصدر شعـر ماناخـذه بالدراسـه
بعض المعاني مثل غوال الانفـاس
وبعض المعاني ماتثيـر الحماسـه
يابووليد الوضع بالحيـل حسـاس
صاحبك مٌرسل شي من بدع راسـه
من يوم جات بيوت شعره وانا حاس
ماهي من افكاره ولا ضـرب فاسـه
دورت في قوقل عن بيوت جسـاس
ولا خاب ظني فيه ليـه الطفاسـه
لقيت انا بيوتـه مراسيـل لنـاس
في منتدى لهل الطـرب والوناسـه
واكبر مصيبه يوم يسرق للأحسـاس
ويقول انا شاعر وصاحـب فراسـه
سلم عليه وقـول يابنـك الافـلاس
هذي فعول اهل الـردى والدناسـه