بحر الكسره =
جيتك ياقابل كما البـاروك = اقضي على القلب والانفاس
وتكون في بحرنا مهلـوك = مافادك الجنـد والحـراس
قابل البشري =
مسكين ياصاحبي عبوك = ورموك في بحر ماينقاس
لكن عوّد لبيـت آبـوك = ماني مفرّج عليك الناس
بحر الكسره =
اصبحت مما جرى مربوك = جاك الخطر دقت الاجراس
ارميك فوق الشعب منزوك = سنجير سوى عليك لبـاس
قابل البشري=
في بر ولا بحـر مسلـوك = ياكليب دربك ورا جسـاس
ضعيف فالتهلكـة طشـوك = لاظهر عندك ولا انته راس
بحر الكسره =-
اوهمت ربعك وهم علوك = واليوم دقي كما المهراس
لابد من وضعكم ينعـوك = اصبحت من قافنا منحاس
قابل البشري =
ربعي رياجيل ياصعلوك = العز متورثينـه سـاس
ولاانته فيك الدبل مشبوك = ولاعاد لك عندنا مجلاس
بحر الكسره =
بعد الجرب ياجمل كبـوك = ما عاد تسوى ثمن قرطاس
لاتظن من قيمتك يشـروك = ومنهو تورط يجيه افـلاس
قابل البشري =
ربعي وكل العرب عرفوك =سماط مثلك عديم احساس
لاتلومني لوم من دفـوك =حتى تحت خفنـا تنـداس
ولّا الجمل ماعليه شكـوك = فوق الذهب قيمته والماس
دايم فحلق المعادي شـوك = قول وفعل فالرخا والباس
بحر الكسره =
دايم مراحك عليه سلـوك=واشوف حالك بلاه البـاس
انت جمل للبحر نحـروك=ومن قيمتك ماتساوي نحاس
ربعك على العز هم يكفوك=واشوف عينك بلاه غماس
من شجعك فالقى غـروك=اسقيك من بحرنا بالكـاس