ليت للمراجل وسم تعرف به الناس=مثل الجمال موسمه بالوسامي
نشوف وسمه لانعقد كل مجلاس=نشوف وسمه قبل رد السلامي
نعرف به اللي معدنه در والماس=اللي على عز المراجل همامي
ونشوف منهو معدنه صفر ونحاس=اللي عن علوم المناعير صامي
حنا بزمن تشابهة كل الاجناس=بالبس والمظهر وزين الكلامي
وقت تغير شيب بمفرق الراس=وقت تضايق به صدور الحشامي
ختل ميزان المراجل والاقياس=راحت مقاييس المراجل عدامي
اصبح رصيد المال لرجل مقياس=مقياس يفخر به لو العد ظامي
يقدمه لو كان بنيه بلاساس= يقدمه لو جاهلن بالعلامي
الله ياوقت خذل طيرقرناس= خل الحرار تعيش وي الحمامي