محاورة صياف و رداد المسعودي



ليا شفت صف هذيل قلنا سلامات=سلامات من كل الليالي المخيفه
تدور الليالي وللقيامه علامات= ولا كل متحدي بدى فالمنيفه

رداد :
ياصياف لو راحت الأيام لو جات = قويه على الطرقه تشيل الضعيفه
تباها خطر وألا تباها سلامات = ونفسي لتبع الشر ماهي حسيفه

صياف :
يارداد ما بيني وبينك علاقات= ولاانته وليفي يا مضيع وليفه
بغيناك تدخل في سجل المسرات = ولا سجل اسمك في هذيك الصحيفه

رداد المسعودي :
لياماتت الصحبه وراعى الوفاء مات= طلبنا من الباري يجيب الخليفه
ابا اقرى عليك الفاتحه والتحيات = تبا كلها وألا يسد النصيفه

صياف :
طريق الهدا في طلعته عشر لفات = ما يمشونه اصحاب العيون الكفيفه
ابا امشي معك وانته علوك ثقيلات = علومك ثقيله وانت نفسك خفيفه

رداد المسعودي :
يمشيك من نور الفرح عشر لمبات =ولاني على سرجه ولاني رديفه
ليا شفتني ونيت لك عشر ونات= وقلبك عليه من المدافع رديفه

صياف :
كشفنا علومك فالسنين القديمات =سمعنا الرعد والبرق شفنا رفيفه
صواريخ هوك امنصبه فالمنصات = تبي لك وظيفه منت لاقي وظيفه

رداد المسعودي :
يجي في هجوس الشاعر اجموع واشتات = وجذع النخل يابس ويابس صريفه
ليا طاح نجم عالياًًًًًًًًَََ فالسموات =يطيح الحيا من صيف ولا خريفه

صياف :
للأخلاق ميزه وللمكارم ملذات = ينالونه اصحاب النفوس الشريفه
ومن ياكل الشمه يبا ياكل القات = وغطى على راسه بظل السقيفه

رداد المسعودي :
قبلنا ليا جتنا على حسن نيات= حليفي عليه الحظ وانا حليفه
وإذا الصيرفي غش الذهب والجنيهات =رميت الحزابه فوق ظهر العسيفه

صياف :
سنت الف واربع اميه وخمس عشرات=تشوف الحيا من صيف ولا خريفه
وسلم الذهب فعمان مثل الأمارات= وكل على كيفه ويكفيه كيفه

رداد المسعودي :
حذاراك من حذف القدم فالمطبات = الهداف ملفوت النظر لتهديفه
اشوفك مليت الباخره بالمعدات = وعندك من الطرقه علوم ظريفه

صياف :
ترى الله خلق له نار حمرا وجنات=مهيفه لها كل النفوس المهيفه
تقيس الدير واتعبتنا بالمسافات=وحرمتنا تمر النخيل المصيفه

رداد المسعودي :
ليا كان لك في حومت الحرب غزوات= ليا دق زير الغاره اسمع رزيفه
تصوت وقلبي ينعشه بعض الأصوات= وانا في تهامه وانت فجبال فيفه