=مـشــعــل الـمـعـبــدي =
يامرحبا والليـل ليـل(ن) سعيـد =فقدوم أبو فارس طرحنـا الطلـي
الي مضا واليـوم وجبـت فيـد =يالطرقي الـي جيـت مستعجلـي
عــلـــى الـحـصـنــي =
يا مرحبا ترحيـب ماهـو جديـد =اقدمـه مـن عرفتـي لاهـلـي
كثرة همـوم مدوريـن القصيـد =بين البقوم وبيـن حـرب وبلـي
مـشــعــل الـمـعـبــدي =
أنته عكست الـدرب يبـو سعيـد =ولـي يبـا المطـلاع ماينزلـي
يلي نحسبك خالـد بـن الوليـد =لقيتهـا يـم الخـلا الـي خلـي
عــلـــي الـحـصـنــي =
يقلون مسح الخـط عـذر البليـد =ما يتعب الضميـان ميـح الدلـي
التمر دونه حال شكـور الجريـد =وليـا شلعتـه ضـاع مستقبلـي
مـشــعــل الـمـعـبــدي =
الموت يالحصني بحبـل الوريـد =حـذرا تقلـي ليـش ماقلتـلـي
اليا لقيته قلـت لـك يـوم عيـد =المشكلـه ماباقـي الا السـلـي
عــلـــي الـحـصـنــي =
تراء الكرم طبع الرياجيـل اكيـد =فا زو به ابـن مهيـد والناحلـي
يا للي تدور شي مـا هـو بعيـد =بكره تنادينـي واجيـك امهلـي
مـشــعــل الـمـعـبــدي =
كلن بقسمه فـي قريـب وبعيـد =في سنة محمـد وشيعـة علـي
أنا أحسبنك جيت معـك الجديـد =وثـره مغيـر شعيـل ومحملـي
عــلـــي الـحـصـنــي =
اثر العرب يبغـون رايـن رشيـد =حتـى يصيـر الوضـع متعدلـي
يا مشعل امرح وش تبي با الشديد =وحاول تقصـر ثوبـك المسبلـي
مـشــعــل الـمـعـبــدي =
أنته تصانيفـك سـوات العبيـد =تشهد على الحربي مـع العبدلـي
لاتكثـر التهديـد ولا الوعـيـد =قدام أحطك فـي لهـب يصطلـي
عــلـــي الـخـصـنــي =
ان ما عبرت الدرب وانتـه وليـد =لاشاب راسك صار ما هـو خلـي
انفخ ليا جاك الـز لامـي رشيـد =والسيف حـده لسلمـي وهذلـي