السلام عليكم ورحمة الله وبركاته :
أقدم لكم هذه الأبيات البسيطه التي أتمنى أن تنال إعجابكم :
ســلام يارجــمٍ ليامـنـّي بغــيـت أرتــاح أجــيــه=أسـلا عن هموم الزمن وادله وأوسّع خاطـري
أخير من ضعف الضعيف ومن سفاهات السفيه=اللي بعضهم فيه خصله من خصال الكامري!!
ليت المنافـق يلتزم بالصمـت واللي فيــه فيــه=بس المنافـق يكشفـه طــول اللسـان الثـرثــري
أخفى الحقيقه واظهر الآخرى على بالـه نبيـه=مايدري ان (الغـدر) لو يكـتب (وفاء) ما ينقري
اللي مثـل هـذا صحيــح النـاس ماتشـره عليـه=لكـنّ مقطــوع الرجــا منه السـلامـه تنـشـــري
إيـّاك .. ثم إيـّاك .. ثم إيـّاك .. يالحـرّ النـزيــه=إيّـاك تاثــق في رفيــقٍ طـول عمـره سـرسـري
لو حدك الحـظّ الـردي على الـردي لا ترتجيـه=كان الخيار: الذلّ والا الموت مت وش تحتري؟
الموت ماهو موت مع موت المشاعـر يافقيـه=أفقـه كـلامــي يافـقـيـه ولا يهـمّــك مـظـهـــري
دوّر على اللي بالمواقف يحتـويـك وتحتويــه=قدام يبـراك الزمـان اللي بــرا حــالــي بـــري
وان كان قولي غامض ومجهول نادوا سيبويه=خلّـوه يشــرح لابن بطّـوطـه كـلام البحــتري!