حاولت أجمل قصة ولكن ما ينفع التجميل
بسردها بمرارتها
واذا فيكم ضعاف قلوب لا يقروا فضاعتها
تحذير ايه تحذير
وليه ما أحذركم
كل ما كتب أروح أحذف كتاباتي
غرقت جهازي بالدمعه
أثرها ماهي بدمعه طوفان باسباب خنقتها
تحذير قبل ما أكتب نهايتها""
الام ضاعت مابين تربية وتعليم
تربي ذا وتدعي له
تربي ذي وتلبسها وتكسيها
رزقها الله بولدها البكر
أغناها وأكلها وساعدها
وروح يبحث أحلامه ونصف الدين وكمل دينه وسواها
ورجعت للعذاب أمه
وعانت من لهايب فقر
وخوف الامن والاهات
الدار فيه البنات أكثار
حرمها الامن نوم الليل
قضت كل الليالي والعين سهرانه
تركها بكرها تعاني عذاب وهم
ماعاد يبغاها
ماعاد يسأل على اخوانه
وقطع عنها أتصالاته
بكت حتى تصورنا
أن البكى صار ضحك ولعب
قالت: أحبه وعلى صوته تصير الاذن طربانه
ابي شوفه ولو نظره
عذابي كله في كفه
وعذاب فراقه في كفه
قولوا له أمك اليوم تعبانه
يمكن يحن ويجيني
وأوعدكم قبل يحضر أصير اليوم تعبانه
قسم بالله ماجاها ولا قرب ولا بالصوت سواها
صارت في كل يوم تركب التاكسي
وعلى باب العمل يوقفها
تبغى تشوف غاليها ولو بعد المسافه أميال
وفي اخر المشوار بعد ماترجع
وتحاسب التاكسي
تحدد موعد لبكره
عشان ترجع على المشوار
وتحدد الموعد الثاني
ولين اليوم يا حسره
ومازالت على المشوار
وتحدد الموعد القادم
للاسف ليست من صنع الخيال
وياليتها كانت من صنع الخيال