خالد الحصني

عليكم السلام ورحمه الله وبركاته


بارك الله فيك اخوي في تواجدك


اضفت لصفتحتي الكثير وهذا يعتبر من وفائك واحرجتني بالردود ولاقول الا وفا من وافي

اخي خالد الحصني

اول شئ انا اعتزلت الشعر اكثر من 15 سنه

وعدت بأسباب قصيده

والقصيده اللتي أستأثرتني وعدت للشعر النظم هي أتتني من الشاعر / مطاوع بن بقيه العريمه
وهي على الخط الساخن يقول فيها .



يابو الطلال مدنيات المحاضيـب
دناهن اللـي ماهقيتـه دنـاوي
اللي فتح بيبان للشـك والريـب
لو ماأتحرى راي مثلك مـاراوي
يمديني استعملت عطب المظاريب
اللي يبين بالخصيمـه سطـاوي
لراس باس ولنـداوي مخاليـب
الموت في مخلاب كف النـداوي
واللي عليها الثار جساس لكليب
والزير يبطش بالخوي والمخاوي


الى اخر القصيده
وكانت القصيده تحمل من الفتل عدد حروفها وتشير بالبنان الى قضيه معينه
وكان الشاعر مطاوع مالي معه اي علاقه اللهم اعرفه وهو يعرفني ورديت على مطاوع .



الله يالعلـمٍ لفـا البـارح منيـب
خلاني انزل كـل سـوق غـلاوي
وانا احسب اني عن جميع الهناديب
معرض ولاني بالمناقش شفـاوي
لاني مقـل ولا جهلـت اللواعيـب
ولامستعيب مساجـلات الشكـاوي
يوم اتجاهل ماضيـات العباعيـب
اخـاف لايلقـى وراهـا حجـاوي
يظفر بها جاهل وينقد بهـا أديـب
وأول ندبها من زنـاد الفضـاوي
يابن بقيـه ياحصـان الاطاليـب
سل الصقيل وخل قلبـك جـراوي
لاخير باللي مايعدي عـن الجيـب
ويعرض المخطي عطيب ألأهـاوي


الى اخر القصيده ..

وحينما سلمت الردود و لياالشاعر سفاح بن مريخان



الهقوه انـك يمشلهـب تشلهبـت
مع الزمـان الـي تزايـد شهبتـه
مدري سبب شلهابتك صفت السبت
والاالمراجل يـوم راسـك عصبتـه
والا اتخذت اسلوب من عقب ماشبت
والا الزبون اللـي لبستـه قلبتـه
والي يثـور بالشكـوك وتغاربـت
طيرت جنحـان العقـاب وعقبتـه


لين انه قال



رغم الحداث الي وراها ترقبـت
ورغم السحاب الي وطتني اهدبته
لا تحسبني يوم عاتبـت جنبـت
يفداك من غيضه وصلبه اعتبتـه


إلى آخر قصيدته
نبذه من الردود على سفاح



يامير لامنك هديـت وتجاوبـت
النور الأحمر تعرفـه لا قربتـه
اما قطعتـه بالنهـار وتعاقبـت
والي مزيفلـك سموحـه نكبتـه
تراك ماتزعل ليا اخطيت وادبـت
تزعل ليا ضيعت جهـدن تعبتـه
وكان انت لبحوث القضايا تسببت
شرك خطم قدمك وخيرك عقبتـه
دوبك عليها يوم فاتت تشقلبـت
يوم الصحايف كل علمن كتبتـه


إلى آخر القصيده

وهذه القصايد من ملف المساجلات التي نزلت إلى الساحه وغيرها اربع وتسعون مساجله حتى الآن لم تنزل الساحه من مختلف الشعراء
وكذلك وجهت إلى الشاعرين المرحوم رجا الله المحمدي رحمه الله والشاعر زامل بن علي العوفي
اطال الله في عمره وكان مطلع القصيده



يقول من لثنيـن وجـه ونـادى
واللي يشوفونه انا فيه راضـي
ماودنا طيـش الكـلام يتمـادى
يشغل فراغ الي من الوقت فاضي


إلى آخر القصيده التي كانت السبب في قصيده المرحوم الشاعر رجا الله المحمدي رحمه الله
المشهوره التي كثرت حولها التفاسير من يقول ان تفسيرها حول وفاته أو تنبؤ بوفاته ومن يقول غير ذلك
والذي يهمني في ذلك وسبب تطرقي لهذه القصيده هو أنها أنهت الهجمات و سلسله المساجلات بيني وبين شعراء لم يسبق ذكرهم ولاكن اني اختصرت منهم عن الا طاله ونطلب من الله ان لا تكون استراحه بين شوطين ..

هذه القصيده موجهه من الشاعر رجا الله قبل وفاته مدت سبع ايام وارسلها علي عن طريق الفاكس وطلب توصيلها إلى الشاعر أبو محمد(سفاح الجميلي) وقال رجا الله عند حضور في حفر الباطن سوف افصح هدف هذه القصيده وهي ليسا ردودي عليك في قصيدتك السابقه لأختلاف البحر والقافيه ولاكن هي لي فيها راي اخر ..

وحضر رجا الله الله يرحمه الى حفر الباطن ولم يقابل احد منا وعند رجوعه قدر الله عليه بحادث وتوفا رحمه الله وكثرت حوله التفاسير من يقول ان تفسيرها حول وفاته أو تنبؤ بوفاته ومن يقول غير ذلك
يقول رجا الله



البارحه يوم اقبلـت يـوم قفـت
عبرت اهل التقوى وفتنة هال الغي
صحيت من نومي وقمـت اتلفـت
تقل انتظر شـئ ومضيـع شـئ
واللـي مروعنـي عنـود توفـت
ميت لهـا ميـت وباقيلهـا حـي
من روحت الموقف عظامي تعفت
كـن السلاسـل بيديـه ورجلـي


الى اخر قصيدته
وكذالك البيت اللي تسئل عنه ياخ خالدهو للشاعر/عبدالله الشعيلي صارت بيني وبينه مساجله على الخط الساخن فيها فرد عضلات من كل الاطراف حين قال فيها
وين انت يا الي كل معنى تجيده
--------------------------------وين انت يامروي عطاش المواريد
وين الزغيبي وين ريف القصيده
00000000000000000000وين اللذي يوفي حقوق القواصيد
ويبقى مقام عبيد عندي وليده
0000000000000000000000وحيل خطي يم قرم الاواليد
كان أنتحا عني لدار بعيده
-----------------------------------خله عسي ماحل بالشعر تجديد
اليا اخرقصيدته

وكان الردود على عبدالله التي لستجرّة الياعدة قصايد




الله يدبرنـا عـلـى مايـريـده
يهل الركيب اللي فحا سدها البيـد
غر الدليله واخطوالعصر ضيـده
عدٍ علـى جالـه تكـز المعاويـد
وميـراده اللـي ماتهـزه زبيـده
جمه غزير ويروي الورد ويزيـد
الركب يشرب ثم يشـرب عقيـده
الشعر له تجديد والهـرج تنقيـد
والشعر ماني يالشعيلـي عميـده
احب وضعي بالوسط دون تحديـد
يالشاعر اللي راس ماله قصيـده
قصيـدةٍ وبكـل يـومٍ لهـا بيـد
واخاف بكـره لاتجـي بالجريـده
واصير هاك الحين في موقف عبيد





الى اخر القصيده

وهـن موجودات بنفس الملتقى وهذا اللي قدرت من البيت المهجور





اما بالنسبه للمزنه الغرى فهي ايضا موجود ولها خصوصيتها لاتخفى عليك واحتفظ عن افصاح عنها




اما قضيه اصعب مساجله

كل المساجلات احسب لها حساب ولاكن هذي المساجلات المطروحه للبيت المهجور هي من اشرس مساجلاتي

وساجله بيبي وبين على الحصني استفزتني وكثير وكثير




اما بالنسبه لكثره المساجلات


سبق واني قلت لعده شعراء انه صابني ملل منها وانها تضايقني لاهو قل من قدراتي ولاهو اتجاه للأصحابها لاكن صابني ملل منها اعدى القصيده التي لم احسب لصاحبها حساب ان زعل او رضي





الله يحيك وانا موجود وانتضر اسئلتك يالغالي