ياليت مامريت تالي نهارا
على محل اللي عسى الله يشافيه
دمعي على الخدين قام ايتبارا
وحار القدم والقلب كثر طواريه
محل ابن شرعان ريف الفقارا
به تفرح الخطار من يوم تلفيه
عالم فلك لاهل الفلك مستشارا
فطره من اللي بالي الععظم يحييه
ماله بتعليم المدارس مسارا
قاري وداري دون حين يقريه
من عزوتن فوق النضا والمهارا
كم فارسن من سرجها غصب ترميه
وبيوتهم فيها الشبب والبهارا
ونارن سناها تايه الليل يهديه
للضيف والجيران مثل المزارا
ومزبان للي وقته الشين واطيه
عريمات مافيهم ذليل وثبارا
تاريخهم معروف حاضر وماضيه
عجاب صالح الحنتمي