الناس في ليل الشتاء ليلها ليل
متونسين وكل شي ٍ لهم طاب
لو طال يقضونه مزوح وتعاليل
متفاهمين وكلهم نزل واحباب
وانا بقلبي سم سودن مشاويل
مع العروق بتالي الليل ينساب
من جور دنيا نكلت في تنكيل
منها تقل في ثومة القلب مخلاب
خليتها ياشاربين الفناجيل
لو اقبلت لي ونفتح يمها باب
معاد باقي بالليال المقابيل
اكثر من اللي راح من عمر عجاب
ماتنفع الحيله وماينفع الحيل
ومليت دنيا كلها هم وتعاب
يالله ياممن على الوحي جبريل
عفوك بيومن ماعنه قيل مجناب
عجاب صالح الحنتمي