السلام عليكم ورحمة الله وبركاته
القصيدة فكاهية
خبرتهــا معــزوم فـي حفلــة زواج
قالت عسى مبـروك منهـو زواجـه؟
قلتـه زميـل وجمْعَـه وفلـة حجـاج
وعنـده مـع الأصحاب نبغا نتواجه
زفافــه الثـانــي ولا بـــد يحتـــاج
ونشاركــه فرحــة مراسيــم تاجـه
أدركت أنا الغلطه وحسيت بحراج
وحاولت أرقـع يـوم عكـر مزاجــه
لحظة سكوت بوقتها أدُور مخراج
فجـأة وثار الجـو عـج وعجاجـــه
قالـت نعــم وتسمـي الثانيــه تـاج
وتاقف مع الخاين وراع العواجـه
وأنته بعد لايكون معديك هالداج
مـا تاخـذ معـدد يغيـر الدجاجـــه
وتـأزم الموقــف بتنديـد و لجـاج
وتلـف حولـي كنهـا تـدور حاجــه
حمـرت عيني قلتها كافي إزعـاج
وألا الحقيقـه منشغل في إدِّراجه
راحت على المطبخ تقربع فالأدراج
وصحنين مرت عند راسي وزجاجه
من بعدها لا صرت معزوم في زواج
و بنفـك من جـو الحـراج و حراجـه
عذري أبا سيـر على الطيب الحاج
راعي غنـم في عزبتـه مع نعاجــه