الليه انا اعلم المسلم بما كان وجرى = اخاطب العالم واقول له علم المتعلم
اللي كمل دينه حياته باع فيها واشترى = درب الهدى واضح ومن يسلك طريقه يسلم
من قر بالتوحيد واسلم يجتنب درب الزرى = من واجبه حبه لربه ثم اخوه المسلم
من يقذف اهل العدل والحكمه بقول مفترى = منبوذ في الاسلام من طبعه يسب ويشتم
كيل الشتايم ميزته من غيرذنب بذكرا = ويسب دولة تحت رايتها دولهم تحتمي
من مس دولتنا ترى ماله ذنوب تغفرا = من طبعنا كيد المعادي والحسود المجرم
حكامنا ال سعود حكام على كل الورى = دستورنا القران ننهل من كتاب محكم
الامر بالمعروف سيرتها وترك المنكرا = ماسبها الاجاهل والا غبي مايفهم
الياذكر حاكم سعودي قلت انا نعم الطرا = معمرين الدار وانت في بلادك تهدم
حكامنا من دونهم موجود خط احمرا = من يقرب الخط المعزز صار ليله مظلم
ياحاج انا طالبك لاعودت تشرح ماترى = وتعلم الي عن مساعي دولتي مايعلم
انا بذلنا كل جهد في رضا رب البرى = في خدمة الحجاج مانبخل بمال ولا دم
راحه وصحه كل خير للحجيج موفرا = من حج بيت الله لازم بالمكارم ينعم
من حج يلقى كل شئ للحجيج ميسرا = الامن سايد والمسار مرتب ومنظم
ديدن حكومتنا طوال الوقت سر واجهرا = مافيه تفضيل على الحجاج عربي واعجمي
اللي درا عنا يعلم كل غافل مادرا = ان السعوديه امان ولااحد فيها يظلم
ماني مقدم لك دلايل كان لك عين ترى = انظر لمجهود الملوك الي تحل وتنظم
جبال مكه مهدوها توسعه لام القرى = ماحسبوا في المال لو ساقوا جميع المغنم
ورجالها تسهر لتوجيه الاوادم والسرا = ماعاد تلقى لك مشقة في الطواف وفي الرمي
كم قدمت من عون للمسلم على ظهر الثرا = وللمشتكي ظيم الدهر دايم تعين وتكرم
واللي شكى هول النوائب لالفا يلقلى الذرا = محمي معزز في حما الدوله يلوذ ويحتمي
اقولها والراس عالي فوق من طلعت كرا = مادمت انا حربي وللشعب السعودي منتمي
صلو على منه تلقى للرسالة في حرا = عداد من صلى وصام وحج مكه محرم