من بعد ماصمنا وقمنا قلت لله الشكر=نطلبك ياربي قبول صيامنا وقيامنا
واليوم عدنا بعد ماتم الصيام وجا الفطر=جينا نعايد ربعنا والمسلمين اخواننا
سلام ومن العايدين اقولها للي حضر=واللي مغيب بالنيابه بلغوه اقوالنا
يضفي على الشعب السعودي في قراهم والهجر=حيث انهم منا وفينا حالهم من حالنا
من قال انا مسلم عليه يعود من كل البشر=دام انه موحد نقله شانكم هو شاننا
الله يرحم من نهار الصوم في وسط القبر= قولوا معي يالله عسى الرحمه تعم امواتنا
وليا نظرنا حولنا بعض العرب تحت الخطر=الله يعدل حالهم هذي لهم دعواتنا
يحز في نفسي ليا قامو يعانون القشر=حيث انهم عرق(ن) ودين يهمهم ماهمنا
الله ياكبر المصايب والشدايد والنكر=الله عسى حالن نشوفه مايجي في دارنا
يارب تحمينا وتسلمنا تصاريف الدهر=لعلنا مانشتكي من شر طول ايامنا
من حمد ربي ذا بلدنا في امانه مشتهر=الله يحفظ للبلاد ملوكها حكامنا
اليوم يحكمنا حكم عادل مجنبنا الخطر=واجب علينا لله الخالق نقدم شكرنا
مادام ابو متعب على راس الحكومه مستقر=واخوانه الابرار من حوله تراهم عزنا
حنا على طول الدهر نعتز فيه ونفتخر= مادام هذي حالنا بنعيش في سعد وهنا