السلام عليكم ورحمة الله وبركاته
نتعب على كثر المشاوير يا شوق
وذيب الجفا يعوي وباسط يدينه
كيف المشاعر عجها يمكن يروق
وجو الجفا يعصف ظنين وظنينه
صح العتب من نومته خله يفوق
ويحول فيما حال بيني وبينه
اتعبتني يا عايق البال لي عـوق
في حي عايش كلنا فاقدينه
روحي وانا والقلب ياشوق والموق
اللي املنا في رجاوي حنينه
بالعافية جانا وجيناه بالذوق
وأسقى الوّله منا صحاري سنينه
حتى غرسنا في ثرى خافقه فوق
غصن المودة من غلا غارسينه
وده عثى فينا . وله ساقنا سوق
حبه وعشقه . والمودة المتينه
اللي خلت من زمرة العيب والبوق
تمسي وتصبح زادها محتسينه
يدري فؤادي حط له قصر مرموق
منزال باقي لو خلوا ساكنينه
ياشوق وصل له كلامي وبرفوق
قله ترى رغم البطا محترينه
حبل الوصل فالود ماذل مخلوق
ولايذكر المقفي لو مذكّرينه
....