قــــــابــــــل=
سـلام كـل الوفـا دونـه=في سوق صرفه يسوّي فرق
وانتم مـن اللـي يوفونـه=ويترجمون المعانـي طبـق
ســــــالــــــم =
ترحيـب مشيـه وقانونـه=مايختلف غرب ولاّ شـرق
الحرف عجّـل بمضمونـه=مادامت انك بديت الطـرق
قــــــابــــــل =
الطيـب ماقلـت ينسونـه=وان كان تبغى كلام الصدق
تجاهـلـوا مايـسـوونـه=ماكنهـم يعرفـون الحـق
ســــــالــــــم =
اللي يبا الخلـق يصلونـه=لازم يوفّي حقـوق الخلـق
والمرء مـا يتبـع ظنونـه=ويعالج المسألـه بالرفـق
قــــــابــــــل =
من شاف ماكـذب عيونـه=وصدودهـم ماعليهـا درق
وانـا مـن اللـي يمدونـه=تعبت ماعـاد فيـه خلـق
ســــــالــــــم =
مهمـا حصـل لاتصكونـه=باب الوفا لايجي له غلـق
عدّولـنـا ماتعـانـونـه=لعل نلقـى صـلاح ووفـق
قــــــابــــــل =
كـان الوفـا مايشوفونـه=وفي ليلهم مابرق له بـرق
مانـي مـدور فمكنـونـه=وبحرق كروت المودة حرق
ســــــالــــــم=
اصبـر علـى ماتقاسونـه=وخلك معاهم بشوش وطلق
وبكـره معاكـم يعـزّونـه=ويبقى لكم فالموافى سبـق
قــابــــــل=
كـان الوفـا مايشوفونـه=وفي ليلهم مابرق له برق
مانـي مـدور فمكنونـه=وبحرق كروت المودة حرق