مرحبا ترحيب في كل الحضور
في جميع اللي دخل بالاحتفال ..

ومن شيوخ اجناب تنزار وتزور
ومن مشايخ حرب ذربين الافعال ..

مرحبا ماهلت مزون البكور
بالنيابه عن رياجيل الشمال ..

ربعة(ن) وافين في كل الامور
حاضرين وجاهزين بكل حال ..

وكرمو رجل(ن) على الطيب مخبور العياضي للدرج حبل المحال ..

كم قضية حلها وافي الشبور
تشهد الاحداث وعيال الحلال ..

اشهد انك كنز عمله ماتبور
لو يبور الين ويبور الريال ..

ان بغيت اقول صقر من الصقور
لانها تزهاك ياسمح القبال ..

من دهات" من دواهي بالعمور
اشهد انك للقبيله راس مال ..

فيك خير وفيك لاهل الحق نور
وفيك يازومان للحمل احتمال ..

لابركت بحمولها ملس الظهور
زمل لاكن كلبوهنه غفال ..

يامحلل ماانكتب بين السطور
كم مكانه ماتجيب الا الوبال ..

جابها الله من علامات الدبور
بالسنين مكفيت بيض السحال ..

شف محمد لافتور ولا غرور
شالها ماشالها فوق البدال ..

شالها في قامت(ن) تسعين دور ماتوصلها مدايرت الضلال ..

والختام ازكى تحيه للحظور
بالنيابه عن رياجيل الشمال ..


الشاعر / غازي مغيران الزغيبي