الشاعر الذيب
ياقلبي قلبي كثير هموم=اتعبني اتعبني وابكاني
ماعاد ماعاد انا ملزوم=اعيش اعيش احزاني
كم قلت قلت الهوى مسموم=من كاسه من كاسه اسقاني
واحرم عيوني عيوني النوم=ياناس ياناس واشقاني
هذا اللحن اللحن موسوم=مخصوص مخصوص لاخواني
دام المنايا المنايا تحوم= استمعو استمعو الحاني
بس العذر العذر ياقوم=على على منطق الساني
ومن قبل قبل الفراق اليوم=ابعتذر اعتذر ثاني
شموخ الصبر
لك حرف ياصاحــــبي منظوم= بالحزن والحـزن بكاني
للود واهــــــــل الوداد سلوم = والكـل في سلمه يعاني
لا تقول في ودادهـــم مظلوم = والود ياخواني اشقاني
لاجل ان وقت الجفا ما يدوم = معــــلوم تتبدد اشجاني
مدام عمر الفتى مقــــــسوم = فيدين خــلاق الاكواني
لاجل شايل همـــــــومك كوم = دام القضا حكم رباني
الذيب
القرم تلقى وراه قروم=ياوازن الحرف بأوزاني
والذيب عند اللزوم يزوم=والعمر ياشموخنا فاني
مايفيد قمرا بليا نجوم=والريح تعصف بالاغصاني
والقلب ياقلبنا مسقوم=لاصار ميت ووحداني
والموت قرب من الزيزوم=ولابد هذا الاجل داني
وكل المنايا تراها سهوم=ولامت يرتاح عدواني