الناس حطوا بي كثير العذاريب=والطعن جاني من قريب القرابه
ذقت العذاب بخاطري دون تعذيب=من جاهلن كشر بوجهي بنابه
كلمه تجيب الريب لو مابنا ريب=ويفرح بها اللي ماحسبنا حسابه
كله سوات الطيب يامبغض الطيب=لاصار مردوده علينا اطلابه
والحمد لله ماعليه مطاليب=لاحد سكينه قليل المهابه
اللي يخطي الناس ولحاله مصيب=والعرف مقصورن لحضرت جنابه
اشوم عن دربه بليا محاسيب=وتقصر رجولي عن مقاديم بابه
ويا دحيم لو قلنا كثير المكاتيب=الوضع اكبر من علوم الكتابه