تعال يالقرقاح أنا و أنته ضيوف=ليش المبارز بالخناجر و السيوف
كل الامور تهون لأجل عيون نوف=ماقدر المولى على عبده يصير
ياسلامي سلامٍ فيه بعض العتاب= و العتاب الرجال يصفي قلوبها
العبيدي مقفل باب من شان باب= و العرب دوبها متحمله دوبها
أنا حضرت و جيت في حفلة مطير= و لادريت أن راشد هنيا خفير
أثره من المغرب يلف و يستخير=ماقدر المولى على عبده يصير
مرحبا عد ماهلت مزون السحاب=في حفل عزوةٍ قامت بما جوبها
انتصرنا على الشيبان بعد الشباب= في ديارٍ يجيك الخير من صوبها
ما أقول فيك قصور في كل الامور= لكن راشد لايلف و لايدور
ارتاح في ليل التهاني و السرور=ماقدر المولى على عبده يصير
أقروا الفاتحه و أقروا بعدها الكتاب= و أحرموا و أدخلوا مكه و صلوابها
رحت للبنك قالوا غلق الاكتتاب=و أنتقل من شمال الدار لجنوبها
اعرفك ياراشد تسوي المستحيل=ترقى سماء في كل يوم و كل ليل
لكن شد الحيل و المسراء طويل=ماقدر المولى على عبده يصير
نحمد الله تلبسنا نظاف الثياب= و أن بغينا المشاعر نعرف دروبها
كل ليله تعشا لك مشكل كباب= و المدينه تكرم وجهك حروبها
عندي علومٍ واجده في خاطري= لكن هيا درهمي يافاطري
كل الخلاف بحاجةٍ ماتنطري=ماقدر المولى على عبده يصير
جنحتلك ذلولك جعلها للذهاب= كب عرقوبك اللي حك عرقوبها
خطبة القاضي اللي مابعدها اختطاب=خربوها و لادري كيف قالوبها
مادام جدك من سلايل جدنا= اللي مايطرى لاتجيبه عندنا
من اللكاعه كلنا لابدنا=ماقدر المولى على عبده يصير
حسبي الله على اللي سجلوك انتداب=و أنت لاجيت قبه ينهدم طوبها
كوبها فيه سم و فيه قطعة عذاب= جعلك تخاشر أم جنيه في كوبها
ظلمت نفسك يامطوعنا الوفي= الله يكافينا من الشرك الخفي
ليتك تحدث من بريده لا نفي=ماقدر المولى على عبده يصير
أنت ماتدرلاي إني فزت بالانتخاب= من يعرف الجزيرة يعرف حروبها
راحن البيضتين اللي في عش الغراب= أسرقوها مطير و لاتهنو بها
انا ليا حدثت طيرت الربو= اللي في صدرٍ مضلمٍ مثل القبو
مير اجبو مايحدث له جبو=ماقدر المولى على عبده يصير
و الله أن الضمير ارتاح و البال طاب= القاحطين ودوها و لاجوبها