خلو شتات التـرك طايـح ومطـرود=نصن شرد والنـص الاخـر قتايـل
حتى قصد شاعر من التـرك ملهـود=اثبت هزيمة جيـش الاتـراك قايـل
ان كان ابن موقد يليـم لـه جنـود=حنا جنـود التـرك جينـا انتهايـل
والمسعد اللي ما تصـوب ومجـرود=ليت السلامـة مـع يبـاس البلايـل
على ابن موقد حرب الاتراك مشهـود=لقـب محاربـة الـدول لـه دلايـل

وشاتم حمايل عوف ما يكسب الفـود=صعب ينقّص عوف راعـي فشايـل
لو حاول إدخل على عـوف منقـود=عوف معروفة مـن كبـار الحمايـل
عوف بكيان وساس ما هـزه النـود=ولا هـزه الحاسـد خبيـث العمايـل
مصير عوف فهـود وتقـدر فهـود=مافـي مذاهبهـم عيـاب وخثـايـل
اللي يعذرب عـوف ظالـم ومقـرود=كيـده بنحـره مـا يشـد الرحايـل
عوف عرفوا مرشي وراشي ومرشود=متجمعيـن ضعـوف مثـل العوايـل
عوف بمكارمهم تعلو عـن السـود=راعي النوايا السـود عنهـم تمايـل
ما للعـدو فرحـة ولا يملـك زنـود=مايشبع الجيعـان شـرب السوايـل
ان عود الموضوع قاسـي ومشـدود=من عوف يصله حل عبـر الوسايـل
عوف بمحازمهم خناجـر وعبـرود=تركي علـى كبـد المعـادي غلايـل
عوف بلقاها تغيث وتنشـف كبـود=للسلـم سلـم وللصقايـل صقايـل
عوف الذي تنقـذ مغربـل ومظهـود=ليـا منهـا قلـت عليـة المحايـل
ناصف وصاعد ضد عايـل ونمـرود=من لا يعرفهم زيـن ضـاع القوايـل
احفاد عوف وعوف منْسب ومولـود=من حرب منشـأ كاسبيـن النفايـل
صيت السوالم والمساريـح محمـود=وراعى العيا والكذب ماهـو بطايـل
باخصام حرب الطير ياكل مع الـدود=ليا ثار عج الخيـل مثـل المخايـل
عاشو قبيلـة حـرب فكاكـة الـذود=يثنـون دون معبسـات الشمـايـل
عاشو قبيلة حرب عن غيرها تـزود=بالمعجـزات عيـال حـرب الاوايـل