.
محاورة بيني وبين صديقي الغالي
الشاعر ردة الله العصلاني
في المدينة قابلت احد اصدقائة في مناسبة فرح وسألني عن بعض ما دار بيني الشاعر
وكد ما تقابلنا انا والشاعر ردة لمدة عامين وانقطع بيننا الاتصال لتغير ارقام التلفونات مني ومنه
واخذتنا الحياة ولاكن الموده باقية مايغيرها امردنيا
الحاصل اخذت الرقم من اللي سأليني في وقتها
وكتبت كسرة وأرسلتها له في الحال وتعمدة ما اتصل به اواخبره من انا ودارة المحاورة بيننا
وبعد اخر رد لي اتصل قال الى هذه اللحضة ماعرفتك الا بعد ردك التالي لانيحاولت اقنعك وأحكم المحاورة
لا كن لقيتك ما عندك نيه تقتنع وعرفت انه ما غيرك على قوله(عضي)
وغير رديتك لدين والتذكير بيوم الحساب
مرار
يامن يسلم على رده=وعليه مكتوبنا يقراه
ويقول له طالت المده=والبعد مانحتمل بلواه
ردة الله
جتنا رسالتك في جده=ومكتوبكم متضح فحواه
لابده البعد لابده=يقرب بنا يوم بذن الله
مرار
لي سيد(ن) كثر ما وده=يزيد في صدته وجفاه
وان قلتلي الصبر مده=تزيد حالي على ماجاه
ردة الله
قلبك على الصبر وش حده=جافيك ونته تجر الاه
مادم قربه مثل بعده=ارفع جنابك عنه واحثاه
مرار
ابو هدب والحلى قده=وكن العسل ذاب فوق شفاه
في وده الروح مشتده=ونته تقول ابتعد واسلاه
ردة الله
يعني اكيد الزهر خده=يالمغتري ضعت حضك تاه
لاتطواع القلب في مده=يرميك في بحر ماتقواه
مرار
لونحكم القلب ونرده=ونوجهه حيث ما تبغاه
ماكان مثلي بدى سده=ولاكان مثله عرفت اهواه
ردةالله
ارخي له الحبل وأنشده=طعنا عصانا وطوعناه
بكره انتحاسب على اللده=شنغول لرب يوم لقاه
اتمنا تحوز رضاكم