نبض الوجود
مــــرحبا يامرحبا بالشاعر الشهم النبيل=جاك طاروقي يطق الحرف في حامي الدفوف
هاجسي مخنوق من مده يحط ولايشيل=ياعسى ينعش بها الليله وترتص الحروف
مرار
ياهلابك ياهل ياللي على متن الاصيل=بنت ربعاَ دون زابنهم يسلون السيوف
ياعسا مابس ياهجس مع الحر الدليل=هات طاروقك ولو ماعندنا حيد وصفوف
نبض الوجو
هل قنو الشعر هل والطوال تميل ميل=ميلة الحظ الهني للشقي بعيون نوف
أسالك والفكر متناثر واحساسي عليل=كيف نجني من ورا هالحرف ضحكات وطروف
مرار
عل من شهد القوافي علت الورد الثقيل=وكيفها من هيل دله ما تخص الاالضيوف
وكان تنشدني عن اللي حالتي منها المثيل=من يسج القاف بره غير همه مايشوف
نبض الوجود
لو نبث الهم شعر من النبط جزلٍ جزيل=نشعل الظلمه حروف ونلهب الليل بكفوف
والزمان اللي مضى ..نسترجعه وقتٍ جميل=يوم كنا نلعب ونضحك ونجري بالريووف
مرار
اه من ذكرى عليها لاطرت دمعي يسيل=تختنقني وسط صدري غصة الحزن العسوف
مابقى من ذكرياتي غير ماقلتي حصيل=ليت كلمة ليت تنفع لابدت من وسط جوف
نبض الوجود
راح ذاك الوقت ماباقي سوى ذكراه ويل=اه لو يرجع ولكن مالنا غير الحسوف
وليت ذكراه من الوجدان تندك وتحيل=ماتعذبنا وتملا وقتنا اه وطيووووف
مرار
لو تمنينا اليالي انتمناها بليل=من هذاك الوقت ليله كانها فينا تروف
كل وقت فات فينا رجعته فالمستحيل=عايشى لحضة زمانك واحذري من كل خوف