بيني وبين الشاعر هزيم الرعد

سلام ثابي ومـايهتـش=من قلب كانيـه ماهشـه
ياتيك مثل الحيا لارش=ويربّـع المسنيـه رشـه
وقن البقا بالنبـا ينعـش=نجلابـه الضيـق ونشـه
فانت علينا عوايدغـش=حتى الوفا مفتشي غشـه
يصدر اللي كلامـه حـش=ويستانس الناس من حشه
ينزاد قول الزرى ويلـش=أسرع من الريح لا لشـه
يحارب الصدق ويطفـش=وراعيه ما ينقبـل دشـه
الظيف حسه أذى يـدوش=مثقول لو تازنـه مشـه
والأجودي من نباه يبـش=ويستقري الضيف من بشه
ما يثمنه مـن يـدور إش=عنده ( وش ماكثر إشه )
اللي على المصلحه معتش=والوجه منه الحيا مشـه
يبديلك الود وي ينفـرش=والخبث في ضامره خشه
إن جيتله ينكمش ويكـش=قبيـح مايخفـي الكشـه
تعـوذ الله منـه ونحـش=طاريه تحت القدم طشـه
هزيم الرعد
يا مرحبا وبالسعـادة عـش=احلـى ليالـيـك منتعـشـه
مكتوب لك فالصخر بالنقـش=لجلك تصخـرت فـي نقشـه
مثل البحر بالغـزر لا جـش=جياشـه الحـوت لا جشـه
بعـض المواقيـف تتهمـش=وانته تحكـم علـى همشـه
وان كان ما عجبك له طنـش=صفه على جنب فـي طنشـه
منهو على الخبث فارش فرش=امثالـه اللـي علـى فرشـه
تلقـاه بيـن العبـاد يـوش=ولا تسلم الناس مـن وشـه
لاصار وسط المخابي عـش=بانيـه كلـه لجـل غـشـه
اسعى لهدم العشاش الهـش=واصلاه بالنـار فـي عشـه
حقـه كلبشـات يتكلـبـش=ارميـه مـن بالكـم قـشـه
واللي على الطيب ما يمـرش=ولا ذاقت الناس من مرشـه
ايضـاً وتلقـاه مـا يرمـش=ويثور لـو صابتـك خدشـه
وقت المواجيب مـا يرعـش=ولا غاب اتحس لـه وحشـه
احفـظ مزايـاه وان نشنـش=عشاك يـا صاحبـي عشـه