اســيــرالــغــرام =
سلام اغـلا غـلا اغليـه=واهديه لصاحـب الغالـي
على الوفا ماحد يجاريـه=ودايم على الطيب باالعالي
بخـيـتـان الـبـشـري =
ترحيب لأهل الوفا نوفيـه=فقـفـاي ولا فالقبـالـي
راع الوفا مثلكـم نشريـه=عطنا علومك من التالـي
اســيــرالــغــرام =
اللي موفّي محـد يطريـه=وكلا شهدلـه باالافعالـي
مافيه واحد يقـول اهديـه=باذل جهـوده ولا يبالـي
بخـيـتـان الـبـشـري =
البعض ودك كـذا تفديـه=بالروح والحـال والمالـي
لكن حظه معـه مشقيـه=والحظ يضرب به امثالـي
اســيــرالــغــرام =
ماحـد قدرعطـا معطيـه=ولا حد لقّـا لـه البالـي
ملزوم انـه بـه يساويـه=حتى يساوا مـع الحالـي
بخـيـتـان الـبـشـري =
اللي على الدرب ما يخطيه=لابد لـه يـوم ميصالـي
والآدمي شـي لا ترجيـه=خلك مـا العالـي الوالـي
اســيــرالــغــرام =
نفسه عفيفـه ولايرضيـه=ولاهو من اللـي يتلوالـي
مرضى على الناقصه اتجيه=دايم على طيـب وجلالـي
بخـيـتـان الـبـشـري =
العلم حسب الـذي تبديـه=إنه على الدرب ما زالـي
وفالطيب معروف ومزكيه=الحق ما دونـه اشكالـي
أسير الغرام =
هذا الذي كنت انا باقيه=باالمرتبه دوم تعلالـي
لاكن ماحد ذكرطاريـه=وطيبه على الكل يحلالي
بخيتان البشري =
عيباه فاللي تشمت فيه=من بعد ما بث الأرسالي
واللي ملك قدر ذا يكفيه=مايسمع القيل والقالـي