سلام ياراع الفرح ياللـي مواقيفـه تشـرف=مثل الذهب لا قدّمه راع الذهب عند المصرّف
معروف ما بين القبايل ما يعاوزلـه معـرّف=من سابق الأيام لا ذا الحين ركنه مـا يميـل
جينا نغلّق واجبه مع درب واضح ما نحرّف=ودرب الوفا لهل الوفا معروف ما يقبل تطرّف
هذا كلام الصدق يرضاه القريّب و المطـرّف=واللي معارض عندنا للعلم برهـان و دليـل
يا مرحبا في مرحبا باللي لفا الواجب و شرّف=ترحيب نبديبه على وضح النقا ماهو مضـرّف
انتم و حنّا نكمل الواجب و فالطيب نتصـرف=كلاً يعرف انّا هـل الطالـة مزبنـة الدخيـل
الساير اللي بيننا كلاً علـى الواجـب مـذرف=هذي قوانين العرب و العارفـة مـا ينتعـرف
والمسعد اللي في طريق الطيب شمسه ما تهرّف=ميقافنا دايم سوى نمشي علـى العلـم الجميـل