سلام يا قصرٍ من الماضـي عزيـز بنـاه عالـي=مبني على الساس الجويد اللي كمـا صـم الجبالـي
فيه الرجال أهل الوفا و أهـل المعـزة و الكمالـي=فـي طيّـب الأيـام و لا فـي قساهـا مـا يبيـد
جينا كما نشارك كما نو الحيا لاهل من غزر الخيالي=جينا نشـارك فالفـرح مـا بيننـا المـدود غالـي
وقت الشرى و البيع فالميقاف و المشـروب حالـي=وان قـدّر الله طيلـة الأيـام مـا ينقـص يـزيـد
يا مرحبا في مرحبا باهل الوفا طول الليالـي=ترحيبةٍ من عندنا مثل الذهب فـأول و تالـي
القصر ثابي في محل الجود مدهل للرجالـي=ما يختلف مبناه بانينه على السـاس الجويـد
انتم رياجيل الوفا يا ربعنا فـي كـل حالـي=ياعز رأسي يوم هبت من جنوب و من شمالي
في شدة الأيام يوم الوقت جاء فيـه إجتوالـي=بحضوركم يا ربعنا اصبح نهار اليـوم عيـد