حمد

سلام رديةٍ ميزانها مايميل= من شاعرٍ مايشاف الميل في جابته
مريت للملتقى طرقي وعابر سبيل= شفت التراحيب مكتوبه بـبوابته

الصييفي

يا مرحبا فيك ياللي جيت بطراف ليل= من شاعرٍ جاك ساري تاركٍ لابته
قلت اتعلل مدام الليل ما هو طويل= و مدام جساس ما عوّد لهندابته

حمد

الليل توه بدا ونور حد الصقيل=ورجل من وقفته وذيب برقابته
ابشر بكيفٍ مقند زعفرانٍ وهيل=جاساس صاحبك تدريبه ليا جابته

الصييفي

الليل روّح و جينا اليوم وقت المقيل= و كلّ(ن) له ظروفه اللي احكامها ثابته
ما هو غريب(ن) كرمكم يالحصان الاصيل= و جساس رجل(ن) يعشق النصر مع طابته

الصييفي

كانك صييفي رجالك يحتمون الدخيل=وكانك تسمابهم فشجره انابته
يعلها للمطر في كل عامٍ تسيل=والعشب يانبت باوديها وبداعبته

حمد

أنا أنا من عباد الله عابر سبيل= نفسه تروم المعالي و الردا عابته
من لابة(ن) راسخه بالجود مثل النخيل= و الموت دون الوطن و العَرْض ما هابته

الصييفي

انته من عباد ربي ضاهرلك صهيل= تقدم على شاعرٍ مخاطبٍ لابته
ونعم في ربعتك لاكن خلك ثقيل=ترا الخفيف عليه هين ادابته

حمد

(أنا دخلت و أجبت الشاعر بخير قيل)= لكن اشوف الصخونه توها صابته
الثقل له وقت و اوقات(ن) يجي مستحيل= و أداب نفسك عليك الزم من حرابته

حمدفهيدالحربي

الوزن مختل عندك يا جملنا شعيـل=من عقب مافارق الوديان وشعابته
لانته بذيـه ولافـي ذيـك يابوجميـل=أياك ومراسـت الهنـداب وسهابتـه

توي عرفت ان به ناس(ن) صحاح و هبيل= من يوم دلّى حمد يهز سبابته
ناس(ن) نباهم يجي أحلى من السلسبيل= و احد(ن) يعكس النظام اعمى بدولابته

لولا الحيا من قبيلة حرب لدن الفتيل=ورمي بنص الجبل وطرداذيابته
لاكن حشمه لربعي وانت منت برزيل=شايب وتايب وبينةٍ على كتابته

يستاهلون احترام الكل وزن(ن) و كيل=و طويق ما هزّته ريح(ن) و لا شابته*
بياض وجهك على التقدير، بعد العويل= شايب صغَيِّر، و قلبي معه نشَّابته