يامزون المجد
--------------
يــامـزون الـمـجد مــن فــوق الـمـخايل
ابــرقـي ثــم ارعــدي فــوق الـجـزيره
ابــرقـي مــن قـدحـت زنــود الـفـتايل
وارعــدي صــوت الـبـوارج والـذخـيره
وامـطـري لاصـحـابنا عـذب الـجمايل
وامــطـري عـدوانـنـا نـــار الـسـعـيره
يـشـهدلنا الـتـاريخ مـن فـعل الاوايـل
بــالـحـرايـب والــمـواقـيـف الـشـهـيـره
حــرب الـحرايب هـي مـنزحة الـقبايل
والــدول مــن فـعـلهم عــادت كـسـيره
ســالـم ومــسـروح يـانـعم الـخـصايل
مـاعـلـيـهـم مـسـتـحـيـل ولا عــسـيـره
مـحـتـمين ديــارهـم مـــن كــل عـايـل
واهـل عـزوه واهـل نـخوه واهـل جيره
واهـل الـنقا واهـل الوفا واهل المثايل
واهـل الـمراجل والـسلوم وخـير سـيره
وانــا مــن الـلي فـعلهم شـي هـوايل
ربــعـي مـكـمـلة الـمـواجـيب الـكـثـيره
مـــن قـبـيلة عــوف مـتـعبة الاصـايـل
تـــارد حـيـاض الـمـوت وتــرد الـمـغيره
شرق العبل من دون هضبات النثايل
الـغـزوه الــي خـلصت فـيها الـذخيره
يـومـن ابــن مـوقـد مـعـه نـاس قـلايل
يـنـطحون جـيـوش الاحــلاف الـكبيره
يـنـطحون الـجيش مـن قـو الـصمايل
يـنـطـحونه قــبـل لا يــاصـل مـسـيـره
مـعهم الـلي لا حـضر يشفي الغلايل
مـــن يــواجـه لابـتـي يـلـقى مـصـيره
مــن بـنـي هـرسـان يـانـعم الـحمايل
اهــل الـمـدايح والـثـنا فــي كـل ديـره
مـحـتـمـين الــحـد مــرويـن الـسـلايـل
كــم شـيـخ قـوم حـولوه مـن الـظهيره
وارديـــن الــعـد يـــوم الــوقـت مــايـل
مــن يـاسم الـعامود مـا يـلطم بـعيره
مـكـرمين الـضـيف يــوم الـوقت عـايل
يــوم الـسـنين شـحاح والـدنيا مـريره
حـالـفـيـن مـطـلـقـين مــــن الــحـلايـل
مـاهم الـلي يـنشد الـضيف ويـشيره
مــا يـقـلط الا عـلـى كـبـشن وحـايـل
والـثـانـيه لاثـنـين مــا يـقـلط خـشـيره
اهــل الـكـرم والـجود ذربـين الـفعايل
والـيـديـن طـــوال مــا فـيـها قـصـيره
وانــا احـمـدين عـقـب حـمال الـثقايل
ومـعـقب الـفـرسان فــي يـوم الـنفيره
مــن الـرجـال الـلي يـحلون الـشكايل
لا كـبـرت الـقـاله وصــارت مـستطيره
مــعــرب الــجـديـن ومــعـرب ســلايـل
واشــرب زلال الـعـز مــن جـمه غـزيره
حـامـديـن عــقـب كــسـاب الـجـمـايل
حـامـد الـلـي مــا وجــد مـثله وخـيره
ريف الخوي سعد الولي واف المكايل
راعـي الـجوار اللي يجمل مع جويره
قـرمـن عـلى مـلفاه يـضوون الـرحايل
نـجـره يـنـادي الـضيف ودلالـه بـهيره
كــلـن شـهـدلـه بـالـمكـارم والفـضايل
وكـلـن شـهـدله بـالـكرم شـبـاب نـيـره
وال حـامـد طـبـعهم كـسـب الـجزايل
اهل القلوب اللي على الشده جسيره
الـحـامدي كـسـاب صـعـبات الـنوايل
يـشهر مـشاهير القطامي في مطيره
مــدحـت ربـعـي بـالـشواهد والـدلايـل
مـــع احـتـرامـي لـلـجماهير الـغـفيره
مـن دون ربـعي لاحـصل فيها مزايل
شـاهـرن سـيـف الـحميه مـن جـفيره
ولاتـــراه الــشـك بــيـن الـنـاس زايــل
ولاحـــدن فـعـلـه يـنـقص فـعـل غـيـره
والـنـاس مـثل الـناس لـولات الـجلايل
لـــولا اخـتـبارات الـعـزايم والـسـريره
اشقاهم من يفرط بالفرايض والنفايل
واوسـطـهم الـلي كـافين شـره وخـيره
واطيبهم اللي لا كسب جاب الجزايل
وارداهـم الـلي لا خـسر جاب المعيره
الـشـاعـر: مـنـيـر نــايـر الـهـرسـاني